டி20 தொடருக்கு முன்னதாக இந்திய அணியை எச்சரித்த ஜோஸ் பட்லர்!

England’s new T20 captain Jos Buttler warns India (Image Source: Google)

இங்கிலாந்து - இந்திய அணிகளுக்கு இடையேயான ஐந்தாவது மற்றும் கடைசி டெஸ்ட் போட்டியில் இங்கிலாந்து அணி வரலாற்றுச் சிறப்புமிக்க டார்கெட்டை சேஸ் செய்து இந்தியாவை தோற்கடித்து தொடரை சமன் செய்தது.  

இந்தியாவுக்கு எதிரான டெஸ்டை 2-2 என்ற கணக்கில் சமன் செய்து கோப்பையை பகிர்ந்து கொண்டது இங்கிலாந்து அணி.  இங்கிலாந்து அணியின் இந்த வெற்றிக்கு ஒருநாள் மற்றும் டி20 அணியின் கேப்டனாக நியமிக்கப்பட்டுள்ள ஜோஸ் பட்லர் தனது வாழ்த்தை தெரிவித்தார். இங்கிலாந்து அணி அடுத்ததாக ஜூலை 7 முதல் இந்தியாவிற்கு எதிராக T20 தொடரில் விளையாட உள்ளது.  

மார்ச் 2022இல் வெஸ்ட் இண்டீஸூக்கு எதிரான டெஸ்ட் தோல்விக்குப் பிறகு இங்கிலாந்து அனைத்து வடிவங்களிலும் வெற்றிப் பாதையில் உள்ளது. அதன் பிறகு, நெதர்லாந்திற்கு எதிராக விளையாடிய 4 டெஸ்ட் போட்டிகளிலும், 3 ஒருநாள் போட்டிகளிலும் இங்கிலாந்து வெற்றி பெற்றுள்ளது. 

புதிய கேப்டன் ஜோஸ் பட்லர் இந்தியாவிற்கு எதிராக முதல் முறையாக தனது அணியை வழிநடத்துவார், மேலும் அவர் மற்றும் அவரது சகாக்கள் தங்கள் வெற்றியை தொடரும் மனநிலையில் இருப்பதாக இந்திய அணியை எச்சரித்துள்ளார். ஈயான் மோர்கன் சர்வதேச கிரிக்கெட்டில் இருந்து ஓய்வு பெற்ற பிறகு, பட்லர் இங்கிலாந்து அணியின் கேப்டனாக அறிவிக்கப்பட்டார்.

விக்கெட் கீப்பர்-பேட்ஸ்மேன் மோர்கன் இங்கிலாந்து அணியை பல வெற்றிகளுக்கு கொன்டு சென்றுள்ளார். இங்கிலாந்து அணியை 2019இல் 50 ஓவர் உலகக் கோப்பையை வெற்றி பெற செய்தார்.  மேலும் இங்கிலாந்து அணியை பலம் வாய்ந்த அணியாக மாற்றினார்.  இது அவரை இங்கிலாந்தின் மிக வெற்றிகரமான ஒருநாள் கேப்டனாக மாற்றியது.  

இந்நிலையில், டி20 தொடருக்கு முன்னதாக இந்திய அணிக்கு இங்கிலாந்து அணியின் கேப்டனாக நியமிக்கப்பட்டுள்ள ஜோஸ் பட்லர் எச்சரிக்கை விடுத்துள்ளார்.

இதுகுறித்து பேசிய அவர், “எட்ஜ்பாஸ்டனில் இங்கிலாந்து செய்ததைப் பார்ப்பதற்கு நம்பமுடியாதது. நாங்கள் நம்பமுடியாத டெஸ்ட் அணியில் இருந்து குறிவைத்து இங்கிலாந்தின் வெற்றிப் பயணத்தைத் தொடர்வோம்” என்று தெரிவித்துள்ளார். 

அவர் கூறியுள்ள படி டெஸ்ட் போட்டியில் இந்தியாவை வீழ்த்தியதைப் போலவே டி20 தொடர் மற்றும் ஒருநாள் தொடரிலும் இங்கிலாந்து அணி வெற்றியைப் பெறும் என மறைமுகமாக எச்சரிக்கை விடுத்துள்ளார்.