அர்ஜெண்டினா வெற்றிக்கு வாழ்த்து தெரிவித்த சச்சின் டெண்டுல்கர்!
ஃபிபா உலகக்கோப்பை கால்பந்து தொடரில் சாம்பியன் பட்டத்தை அர்ஜெண்டினா அணி வென்றதை அடுத்து அந்த அணியின் கேப்டன் லியோனல் மெஸ்ஸிக்கு இந்திய கிரிக்கெட் ஜாம்பவான் சச்சின் டெண்டுல்கர் வாழ்த்து தெரிவித்துள்ளார்.
கத்தாரில் கடந்த ஒரு மாதமாக விறுவிறுப்பாக நடைபெற்று வந்த ஃபிஃபா கால்பந்து உலகக்கோப்பை தொடர் நேற்றுடன் முடிவுக்கு வந்தது. விறுவிறுப்பாக நடைபெற்ற இப்போட்டியில் பெரிய கோஷங்களுடன் மகுடத்தை வென்றுள்ளது அர்ஜெண்டினா அணி.
நொடிக்கு நொடி பரபரப்பாக நடைபெற்ற இப்போட்டியில் பிரான்ஸ் அணியை பெனால்டி ஷூட் அவுட் முறையில் 4-2 என்ற கோல் கணக்கில் வீழ்த்தியது. இதன் மூலம் 36 ஆண்டுகளுக்கு பின் சாம்பியன் பட்டத்தை வென்றுள்ளது அர்ஜெண்டினா.
Trending
இந்த போட்டியில் அர்ஜெண்டினா கோப்பை வெல்ல வேண்டும் என ரசிகர்கள் பிரார்த்தனை செய்ததை விட, எப்படியாவது லியோனல் மெஸ்ஸி வென்றுவிட வேண்டும் என்று தான் கடும் பிரார்த்தனையில் இருந்தனர். இதற்கு காரணம் மெஸ்ஸி விளையாடும் கடைசி உலகக்கோப்பை தொடராக இது இருந்திருப்பது தான். இதனை அவர் ஏற்கனவே அறிவித்துவிட்டார்.
சுமார் 18 ஆண்டுகளாக கால்பந்து உலகில் கொடிகட்டி பறக்கும் மெஸ்ஸிக்கு இந்த உலகக்கோப்பையில் சாதனைகளும் குவிந்தன. இதன் மூலம் உலகக்கோப்பை கால்பந்து வரலாற்றில் அதிக போட்டியில் விளையாடிய வீரர் என்ற சாதனையை மெஸ்ஸி படைத்துள்ளார். மேலும் அடுத்தடுத்து நாக் அவுட் போட்டிகளில் கோல் அடித்தும் அசத்தியுள்ளார். இதனால் மெஸ்ஸியின் ரசிகர்கள் கொண்டாடி வருகின்றனர்.
இந்நிலையில் மெஸ்ஸியை சச்சின் டெண்டுல்கருடன் ஒப்பிட்டு ரசிகர்கள் கொண்டாடி வருகின்றனர். கிரிக்கெட்டின் கடவுளாக உலகம் முழுவதும் கொண்டாடப்பட்ட சச்சின் டெண்டுல்கருக்கு உலகக்கோப்பை என்பது மிகப்பெரிய கனவாகவே இருந்தது. எனினும் அவர் விளையாடும் கடைசி உலகக்கோப்பையின் போது லச்சியம் நிறைவேறியிருந்தது. இதே போன்ற சூழல் தான் இன்று மெஸ்ஸிக்கும் நிறைவேறியுள்ளது.
இந்தியாவின் 28 வருட உலகக்கோப்பை கனவு சச்சினுக்காகவே நிறைவேறியது போல, இன்று அர்ஜெண்டினாவின் 36 ஆண்டு கால கனவு லியோனல் மெஸ்ஸிக்காக நிறைவேறியுள்ளது. இதனையடுத்து அவர்கள் இருவரையும் ஒப்பிட்டு, மீம்ஸ் மற்றும் கருத்துகளை ரசிகர்கள் ட்விட்டரில் பதிவிட்டு வருகின்றனர்.
இந்நிலையில் லியோனல் மெஸ்ஸிக்கு வாழ்த்து தெரிவித்துள்ள சச்சின் டெண்டுல்கர் அவரது ட்விட்டர் பதிவில், “மெஸ்ஸிக்காக இதைச் செய்த அர்ஜென்டினாவுக்கு வாழ்த்துக்கள்! அவர்கள் தொடரைத் தொடங்கிய விதத்தில் இருந்து அற்புதமான வெற்றியைப் பதிவுசெய்துள்ளனர். அதிலும் கூடுதல் நேரத்தின் முடிவில் அற்புதமாக கோல்களை தடுத்த கோல் கீப்பர் மார்டினெஸுக்கும் வாழ்த்துக்கள். அர்ஜென்டினா இதை வெல்லும் என்பதற்கான தெளிவான அறிகுறியாக இது இருந்தது” என்று பாராட்டியுள்ளார்.
Win Big, Make Your Cricket Tales Now
Cricket Scorecard
Cricket Ireland Inter-Provincial Twenty20 Trophy
