முன்னாள் ஆஸி வீரரை கடத்திக் கொலை வெறி தாக்குதல்; நான்கு பேர் கைது!
ஆஸ்திரேலியா கிரிக்கெட் அணியின் முன்னாள் சுழற்பந்து வீச்சாளர் ஸ்டூவர்ட் மேகில் கடத்தப்பட்டது தொடர்பாக நான்கு பேர் கைது செய்யப்பட்டுள்ளனர்.
இந்நிலையில் கடந்த ஏப்ரல் 14ஆம் தேதி மேகில் அடையாளம் தெரியாத சில நபர்களால் காரில் கடத்தி செல்லப்பட்டு, கொலைவெறி தாக்குதலுக்கு உள்ளானார். பின்னர் ஒருமணி நேரத்திற்கு பிறகு மேகிலுக்கு துப்பாக்கி முனையில் கொலை மிரட்டல் விடுத்த நபர்கள், அவரை விடுதலை செய்துள்ளனர்.
Trending
இதுகுறித்து ஸ்டூவர்ட் மேகில் நியூ சௌத் வேல்ஸ் காவல்நிலையத்தில் புகாரளித்த தன் பேரில் வழக்குப்பதிவு செய்த காவல் துறையினர், அந்த நபர்களை தேடும் பணியில் ஈடுபட்டனர்.
இந்நிலையில் ஸ்டூவர்ட் கடத்தப்பட்டது தொடர்பாக நியூ சௌத் வேல்ஸ் பகுதியைச் சேர்ந்த நான்கு பேரை கைது செய்த காவல்துறையினர், அவர்களை சிறையில் அடைத்து விசாரணை நடத்தி வருகின்றனர்.
காவல்துறையின் முதற்கட்ட விசாரணையில், இக்கடத்தல் சம்பவம் பணப்பறிப்பில் ஈடுபடுவதற்காக நடத்தப்பட்டது என்பது தெரியவந்துள்ளது. இதுகுறித்து வழக்குப்பதிவு செய்த காவல்துறையினர் தொடர்ந்து விசாரணை நடத்தி வருகின்றனர்.
கிரிக்கெட் வீரரை காரில் கடத்தி சென்று, கொலைவெறி தாக்குதல் நடத்தப்பட்டுள்ள சம்பவம் அப்பகுதியில் பெரும் பரபரப்பை ஏற்படுத்தியுள்ளது.
Win Big, Make Your Cricket Tales Now
