டி20 உலகக்கோப்பை : இங்கிலாந்து அணியிலிருந்து ஜானி பேர்ஸ்டோவ் விலகல்!

'Freak' injury puts Bairstow out of third Test and T20 World Cup (Image Source: Google)

அக்டோபர் இறுதியில் ஆஸ்திரேலியாவில் துவங்கவுள்ள டி20 உலகக் கோப்பைக்கு அனைத்து அணிகளும் தீவிரமாக தயாராகி வருகிறது. இந்த டி20 உலகக் கோப்பைக்கான அணியை, அனைத்து கிரிக்கெட் வாரியங்களும் செப்டம்பர் 15ஆம் தேதி மாலைக்குள் கொடுக்க வேண்டும். சமீபத்தில் நடப்பு சாம்பியன் ஆஸ்திரேலிய அணி தங்களின் வீரர்கள் பட்டியலை வெளியிட்டது.

தற்போது இங்கிலாந்து அணி தங்களது நாட்டு வீரர்கள் பட்டியலை வெளியிட்டுள்ளது. அதில் அதிரடி வீரர் ஜேசன் ராயின் பெயர் இடம்பெறவில்லை. இவர் கடந்த டி20 உலகக் கோப்பைக்கு பிறகு 11 டி20 போட்டிகளில் 18.72 சராசரியுடன் 206 ரன்களை மட்டுமே சேர்த்துள்ளார். இதனால்தான், நீக்கப்பட்டுள்ளதாக தெரிகிறது.

இவருக்கு மாற்றாக, இந்தாண்டு துவக்கத்தில் இங்கிலாந்து அணிக்கு அறிமுகமாக பிளிப் சால்ட் சேர்க்கப்பட்டுள்ளார். கடந்த டி20 உலகக் கோப்பையின்போது இங்கிலாந்து அணிக்காக அதிக விக்கெட்களை கைப்பற்றிய பௌலராக திகழ்ந்த தைமல் மில்ஸ், அதன்பிறகு காயம் காரணமாக சில போட்டிகளில் பங்கேற்காத நிலையில் தற்போது ரிசர்வ் வீரராக இடம்பெற்றுள்ளார். மேலும், லியம் லிவிங்ஸ்டன் மற்றும் ரிச்சர்ட் க்ளீசன் ஆகியோரும் ரிசர்வ் வீரராக இடம்பெற்றுள்ளனர்.

கேப்டனாக ஜாஸ் பட்லர் இருக்கிறார். மொயின் அலி, ஜானி பேர்ஸ்டோவ், ஹேரி ப்ரூக், சாம் கரன், டேவிட் மலான், லிவிங்ஸ்டோன் போன்ற சிறந்த பேட்டர்களும், பென் ஸ்டோக்ஸ், ரீஸ் டாப்ளி, டேவிட் வில்லி, கிறிஸ் வோக்ஸ், மார்க் உட் போன்ற தரமான பௌலர்களும் அணியில் இடம்பெற்றதால் ரசிகர்கள் மகிழ்ச்சியடைந்தனர்.

இந்நிலையில் இங்கிலாந்து அணியின் நட்சத்திர அதிரடி வீரர் ஜானி பேர்ஸ்டோவ் காயம் காரணமாக டி20 உலகக் கோப்பையிலிருந்து விலகியுள்ளதாக இங்கிலாந்து அணி நிர்வாகம் அறிவித்துள்ளது. காயம் காரணமான தகவலை இங்கிலாந்து கிரிக்கெட் வாரியம் அறிவிக்கவில்லை.

டி20 உலகக் கோப்பைக்கான இங்கிலாந்து அணி:  ஜாஸ் பட்லர் (கே), மொயின் அலி, ஜானி பேர்ஸ்டோவ் (விலகல்), ஹேரி ப்ரூக், சாம் கரன், கிறிஸ் ஜோர்டன், லியம் லிவிங்ஸ்டன், டேவிட் மலான், அடில் ரஷித், பிளிப் சால்ட், பென் ஸ்டோக்ஸ், ரீஸ் டாப்ளி, டேவிட் வில்லி, கிறிஸ் வோக்ஸ், மார்க் வுட்.

Win Big, Make Your Cricket Tales Now