இந்திய கிரிக்கெட்டின் எதிர்காலம் கெய்க்வாட் - சுனில் கவாஸ்கர் புகழ்ச்சி!
இந்திய அணியின் இளம் வீரரும், இந்திய கிரிக்கெட்டின் நம்பிக்கையான எதிர்கால வீரருமாக திகழும் ருதுராஜ் கெய்க்வாட்டை முன்னாள் ஜாம்பவான் சுனில் கவாஸ்கர் வெகுவாக புகழ்ந்துள்ளார்.
விராட் கோலி, ஷமி, பும்ரா ஆகிய சீனியர் வீரர்கள் டி20 தொடரில் ஆடாததால், ஐபிஎல்லில் அசத்திய இளம் வீரர்களான ருதுராஜ் கெய்க்வாட், வெங்கடேஷ் ஐயர், ஹர்ஷல் படேல், ஆவேஷ் கான் ஆகிய வீரர்களுக்கு இந்திய டி20 அணியில் இடம் கிடைத்துள்ளது.
Trending
இந்நிலையில், ஐபிஎல்லில் அசத்தலாக விளையாடி14ஆவது சீசனில் அதிக ரன்களை குவித்த வீரராக சாதனையுடன் சீசனை முடித்த ருதுராஜ் கெய்க்வாட்டுக்கு இந்திய டி20 அணியில் இடம் கிடைத்திருக்கும் நிலையில், அவரது திறமையை வெகுவாக புகழ்ந்துள்ளார் சுனில் கவாஸ்கர்.
இதுகுறித்து பேசியுள்ள சுனில் கவாஸ்கர், “மிகச்சிறந்த திறமைசாலி ருதுராஜ் கெய்க்வாட். இந்திய அணிக்காக 3 விதமான போட்டிகளிலும் ருதுராஜ் விரைவில் ஆடுவார். நிறைய ஷாட்டுகளை கைவசம் வைத்திருக்கிறார்; அவரது ஷாட் செலக்ஷன் நன்றாக இருக்கிறது.
Also Read: T20 World Cup 2021
ருதுராஜின் பேட்டிங் டெக்னிக், எந்தவிதமான நெருக்கடியையும் நிதானத்துடன் கையாளும் திறன் ஆகியவை பிரமிக்க வைக்கின்றன. அவர் தன்னை ஒரு சர்வதேச கிரிக்கெட் வீரராக எப்படி வளர்த்துக்கொள்ள போகிறார் என்பதை பார்க்க சிறப்பாக இருக்கும்” என்று கவாஸ்கர் புகழ்ந்து பேசியுள்ளார்.
Win Big, Make Your Cricket Tales Now
