WPL 2023: வோல்வார்ட், கார்ட்னர் அரைசதம்; டெல்லி கேப்பிட்டல்ஸுக்கு 148 டார்கெட்!
டெல்லி கேப்பிட்டல்ஸுக்கு எதிரான லீக் ஆட்டத்தில் முதலில் விளையாடிய குஜராத் ஜெயண்ட்ஸ் அணி 148 ரன்களை இலக்காக நிர்ணயித்துள்ளது.
அதன்படி களமிறங்கிய குஜராத் ஜெயண்ட்ஸ் அணியில் சோபி டங்க்லி 4 ரன்களுக்கு விக்கெட்டை இழந்து ஏமாற்றமளித்தார். இதையடுத்து வோல்வாட்டுடன் இணைந்த ஹர்லீன் தியோல் அபார ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினர்.
Trending
அதன்பின் அரைசதம் கடப்பார் என எதிர்பார்க்கப்பட்ட நிலையில் 31 ரன்களுக்கு விக்கெட்டை இழந்தார். இதையடுத்து களமிறங்கிய ஆஷ்லே கார்ட்னர் ஆரம்பத்தில் நிதானமாக விளையாடினாலும், இறுதிக்கட்டத்தில் அதிரடி காட்டினார். அதேசமயம் மறுமுனையில் அபாரமாக விளையடைய லாரா வோல்வார்ட் அரைசதம் கடந்து அசத்தினார்.
பின்னர் 45 பந்துகளில் 6 பவுண்டரி, ஒரு சிக்சர் என 57 ரன்களைச் சேர்த்த நிலையில் லாரா வோல்வார்ட் ஆட்டமிழந்து பெவிலியன் திரும்பினார். ஆனாலும் இறுதிவரை ஆட்டமிழக்காமல் இருந்த ஆஷ்லே கார்ட்னர் 32 பந்துகளில் தனது அரைசதத்தைப் பதிவுசெய்து 51 ரன்களைச் சேர்த்தார்.
இதன்மூலம் 20 ஓவர்கள் முடிவில் குஜராத் ஜெயண்ட்ஸ் அணி 4 விக்கெட் இழப்பிற்கு 147 ரன்களைச் சேர்த்தது. டெல்லி கேப்பிட்டல்ஸ் தரப்பில் ஜெஸ் ஜொனசன் 2 விக்கெட்டுகளைக் கைப்பற்றினார்.
Win Big, Make Your Cricket Tales Now
