WPL 2025: சாதனை படைத்த சினெல்லே ஹென்றி & கிரேஸ் ஹாரிஸ்!

டெல்லி கேப்பிட்டல்ஸுக்கு எதிரான டபிள்யூபிஎல் லீக் போட்டியில் யுபி வாரியர்ஸ் அணிக்காக விளையாடிய நட்சத்திர ஆல்-ரவுண்டர்கள் கிரேஸ் ஹாரிஸ் - சினெல்லே ஹென்றி ஆகியோர் சில சாதனைகளை படைத்துள்ளனர்.

WPL 2025: சாதனை படைத்த சினெல்லே ஹென்றி & கிரேஸ் ஹாரிஸ்! (Image Source: Google)

மூன்றாவது சீசன் மகளிர் பிரீமியர் லீக் தொடரில் நேற்று நடைபெற்ற 8ஆவது லீக் ஆட்டத்தில் யுபி வாரியர்ஸ் மற்றும் டெல்லி கேப்பிட்டல்ஸ் அணிகள் பலப்பரீட்சை நடத்தின. இப்போட்டியில் டாஸை இழந்து முதலில் பேட்டிங் செய்த யுபி வாரியர்ஸ் அணி 20 ஓவர்கள் முடிவில் 177 ரன்களைச் சேர்த்தது.

அந்த அணியில் அதிகபட்சமாக சினெல்லே ஹென்றி 2 பவுண்டரி, 8 சிக்ஸர்களுடன் 62 ரன்களைக் குவித்தார். டெல்லி கேப்பிட்டல்ஸ் தரப்பில் ஜெஸ் ஜோனசன் 4 விக்கெட்டுகளை வீழ்த்தினார். அதன்பின் இலக்கை நோக்கி விளையாடியா டெல்லி அணியில் ஜெமிமா ரோட்ரிக்ஸ் 56 ரன்களைச் சேர்த்ததை தவிர்த்து மற்ற வீராங்கனைகாள் சோபிக்க தவறினர். இதனால் அந்த அணி 19.3 ஓவர்களில் அனைத்து விக்கெட்டுகளையும் இழந்து 144 ரன்களில் ஆல் அவுட்டானது. 

யுபி வாரியர்ஸ் தரப்பில் கிராந்தி கவுட் மற்றும் கிரேஸ் ஹாரிஸ் தலா 4 விக்கெட்டுகளை கைப்பற்றினர். இதன்மூலம் யுபி வாரியர்ஸ் அணி 33 ரன்கள் வித்தியாசத்தில் டெல்லி கேப்பிட்டல்ஸ் அணியை வீழ்த்தி நடப்பு சீசனில் தங்களுடைய முதல் வெற்றியைப் பதிவுசெய்து அசத்தியுள்ளது. இந்நிலையில் இப்போட்டியில் யுபி வாரியர்ஸ் அணிக்காக விளையாடிய நட்சத்திர ஆல்-ரவுண்டர்கள் கிரேஸ் ஹாரிஸ் - சினெல்லே ஹென்றி ஆகியோர் சாதனைகளை படைத்தனர்.

அதிவேக அரை சதம்

டெல்லி கேப்பிட்டல்ஸுக்கு எதிரான இப்போட்டியில் சினெல்லே ஹென்றி 18 பந்துகளில் அரைசதம் கடந்ததன் மூலம் மகளிர் பிரீமியர் லீக் தொடர் வரலாற்றில் அதிவேக சதமடித்த வீராங்கனை எனும் சோஃபியா டங்க்லியின் சாதனையை சமன்செய்துள்ளார். முன்னதாக கடந்த 2023ஆம் ஆண்டு குஜராத் ஜெயண்ட்ஸ் வீராங்கனை சோஃபியா டங்க்லி ஆர்சிபி அணிக்கு எதிரான போட்டியில் 18 பந்துகளில் அரைதம் கடந்தார் என்பது குறிப்பிடத்தக்கது. 

Blistering knock
Entertaining innings
Joint Fastest Fifty

Chinelle Henry wins the Player of the Match award

Scorecard https://t.co/cldrLRw4lo #TATAWPL | #DCvUPW | @UPWarriorz pic.twitter.com/LtJp9TMiIC

— Women's Premier League (WPL) (@wplt20) February 22, 2025

ஹாட்ரிக் சாதனை

டெல்லி கேபிடல்ஸ் அணிக்கு எதிராக யுபி வாரியர்ஸ் அணி சார்பில் ஆஸ்திரேலிய நட்சத்திரம் கிரேஸ் ஹாரிஸ் 2.3 ஓவரில் 15 ரன்களுக்கு 4 விக்கெட்டுகளை வீழ்த்தினார். அவர் தனது மூன்றாவது ஓவரின் முதல் மூன்று பந்துகளில் தொடர்ந்து மூன்று விக்கெட்டுகளை கைப்பற்றி ஹாட்ரிக் விக்கெட்டுகளைக் கைப்பற்றினர். இதன் மூலம், டபிள்யூபிஎல் வரலாற்றில் ஹாட்ரிக் எடுத்த முதல் ஆஸ்திரேலிய வீராங்கனை என்ற சாதனையை அவர் படைத்துள்ளார்.

#TATAWPL 2025 with its first hat-trick of the season

Scorecard https://t.co/cldrLRw4lo #DCvUPW pic.twitter.com/eukOptLXMW

— Women's Premier League (WPL) (@wplt20) February 22, 2025

அது தவிர்த்து மகளிர் பிரிமியர் லீக்கில் ஹாட்ரிக் விக்கெட்டுகளை வீழ்த்திய மூன்றாவது பந்து வீச்சாளர் என்ற பெருமையை கிரேஸ் ஹாரிஸ் பெற்றுள்ளார் என்பது குறிப்பிடத்தக்கது. இவருக்கு முன், இந்தியாவின் தீப்தி சர்மா (யுபி வாரியர்ஸ் அணி) மற்றும் இங்கிலாந்தின் இசி வோங் (மும்பை இந்தியன்ஸ் அணி) ஆகியோர் இந்த டபிள்யூபிஎல் தொடரில் ஹார்ட்ரிக் விக்கெட்டுகளை வீழ்த்தியுள்ளது குறிப்பிடத்தக்கது. 

Win Big, Make Your Cricket Tales Now