வங்கதேச லீக் போட்டியில் விளையாடும் இந்திய கிரிக்கெட் வீரர்கள்!

ஐபிஎல் தொடரில் இடம்பெறாத பிரபல இந்திய வீரர்கள் வங்கதேசத்தின் முதல் தர கிரிக்கெட் தொடரில் விளையாடவுள்ளனர்.

Hanuma Vihari, Abhimanyu Easwaran among seven Indians to participate in DPL 2022 (Image Source: Google)

வங்கதேசத்தில் நடைபெறும் 50 ஓவர் டாக்கா பிரீமியர் லீக் (டிபிஎல்) போட்டியில் விஹாரி உள்பட ஏழு இந்திய வீரர்கள் விளையாடவுள்ளார்கள்.

விஹாரி, அபிமன்யூஸ் ஈஸ்வரன், பர்வேஸ் ரசூல், பாபா அபரஜித், அசோக் மெனேரியா, சிராக் ஜானி, குரிந்தர் சிங் ஆகிய ஏழு வீரர்களையும் ஐபிஎல் ஏலத்தில் எந்தவொரு அணியும் தேர்வு செய்யவில்லை. இதையடுத்து இன்று முதல் தொடங்கியுள்ள வங்கதேசத்தின் லிஸ்ட் ஏ போட்டியான டிபிஎல் போட்டியில் இவர்கள் ஏழு பேரும் கலந்துகொள்ளவுள்ளார்கள். 

விஹாரி, ஈஸ்வரன், அபரஜித், மெனேரியா, ரசூல் ஆகிய வீரர்கள் ஏற்கெனவே டிபிஎல் போட்டியில் 2019-20இல் கலந்துகொண்டார்கள். தினேஷ் கார்த்திக், மனோஜ் திவாரி, யூசுப் பதான் ஆகிய இந்திய வீரர்களும் இதற்கு முன்பு டிபிஎல் போட்டியில் விளையாடியுள்ளார்கள். 

ஏழு இந்திய வீரர்கள் கலந்துகொள்ளும் டிபிஎல் போட்டியில் பாகிஸ்தானின் முகமது ஹபீஸ், ஜிம்பாப்வேயின் சிகந்தர் ராஸா ஆகியோரும் விளையாடுகிறார்கள். டிபிஎல் போட்டியில் 11 அணிகள் பங்கேற்கின்றன.

Win Big, Make Your Cricket Tales Now