ஆஸ்திரேலியாவில் சுற்றுப்பயணம் மேற்கொண்டுள்ள வெஸ்ட் இண்டீஸ் மகளிர் அணி 3 போட்டிகள் கொண்ட ஒருநாள் மற்றும் டி20 கிரிக்கெட் தொடர்களில் விளையாடி வருகிறது. இதில் முதலில் நடைபெற்றுவரும் டி20 தொடரின் முதல் போட்டியில் ஆஸ்திரேலிய மகளிர் அணி 8 விக்கெட் வித்தியாசத்தில் வெற்றிபெற்று 1-0 என்ற கணக்கில் தொடரில் முன்னிலை வகித்தது.
இந்நிலையில் இரு அணிகளுக்கும் இடையேயான இரண்டாவது டி20 போட்டி இன்று நடைபெற்றது. இப்போட்டியில் டாஸ் வென்ற வெஸ்ட் இண்டீஸ் அணி முதலில் பந்துவீச்சை தேர்வு செய்தது. அதன்படி பேட்டிங் செய்ய வந்த ஆஸ்திரேலியா தனது ஆதிக்கத்தை செலுத்தியது.
ஆஸ்திரேலியா அணியின் கேப்டன் அலீசா ஹீலி முதல் பந்தலிலேயே கோல்டன் டக் அடித்து வெளியேறினார். பெத் மூனி 29 பந்துகளில் 22 ரன்கள், தாஹிலா மெக்ராத் 4, ஆஸ்லி கார்டனர் 2 என முன்னணி நட்சத்திர வீராங்கனைகள் வெளியேறினார்கள். இதையடுத்து ஜோடி சேர்ந்த எல்லிஸ் பெரி மற்றும் லிட்ச்ஃபீல்டு இருவரும் அதிரடியான பேட்டிங்கில் மிரட்டினார்கள்.
