ஐசிசியின் தலைமை நிர்வாக அதிகாரியாக ஜெஃப் அலார்டிஸ் நியமனம்!

ஐசிசியின் நிரந்திர தலைமை நிர்வாக அதிகாரியாக ஜெஃப் அலார்டிஸ் நியமிக்கப்பட்டுள்ளதாக சர்வதேச கிரிக்கெட் கவுன்சில் அறிவித்துள்ளது.

ICC appoints Geoff Allardice as permanent CEO (Image Source: Google)

ஆஸ்திரேலிய அணியின் முன்னாள் வீரராக இருந்த ஜெஃப் அலார்டிஸ். இவர் ஐசிசியின் தற்காலிக தலைமை நிர்வாக அதிகாரியாக கடந்த சில மாதங்களாக நியமிக்கப்பட்டிருந்தார். 

இந்நிலையில் ஜெஃப் அலார்டிஸை ஐசிசியின் நிரந்தர தலைமை நிர்வாக அதிகரியாக நியமிப்பதாக சர்வதேச கிரிக்கெட் கவுன்சில் இன்று அறிவித்துள்ளது. 

இதுகுறித்து ஐசிசி தலைவர் கிரெக் பார்க்லே வெளியிட்டுள்ள அறிக்கையில், “ஐசிசி தலைமை நிர்வாக அதிகாரியாக நிரந்தரமாக பதவி ஏற்க ஜெஃப் ஒப்புக்கொண்டதில் நான் மகிழ்ச்சியடைகிறேன். சமீபத்தில் நடந்து முடிந்த டி20 உலகக்கோப்பை தொடரை வெற்றிகரமாக நடத்தி முடித்ததில் அவர் மிகப்பெரும் தலைமைத்துவத்தை வெளிப்படுத்தினார். 

ஜெஃப் உலகளாவிய கிரிக்கெட் மற்றும் அதன் பங்குதாரர்களை பற்றிய அறிவைக் கொண்டுள்ளார். மேலும் அடுத்த தசாப்தத்தில் கிரிக்கெட் விளையாட்டை மேம்படுத்த எங்கள் உறுப்பினர்களுடன் இணைந்து பணியாற்றுவதற்கான சரியான நபர் தாம் தான் என்பதை தொடர்ந்து நிரூபித்துள்ளார்” என்று குறிப்பிட்டுள்ளார்.

Win Big, Make Your Cricket Tales Now