ஐசிசி உலகக்கோப்பை 2023: ஆஸ்திரேலியா vs நெதர்லாந்து - போட்டி முன்னோட்டம் & ஃபேண்டஸி லெவன் டிப்ஸ்!

ஐசிசி உலகக்கோப்பை தொடரில் நாளை நடைபெறும் 24ஆவது லீக் போட்டியில் வலிமை வாய்ந்த ஆஸ்திரேலிய அணியை எதிர்த்து நெதர்லாந்து அணி விளையாடவுள்ளது.

ஐசிசி உலகக்கோப்பை 2023: ஆஸ்திரேலியா vs நெதர்லாந்து - போட்டி முன்னோட்டம் & ஃபேண்டஸி லெவன் டிப்ஸ்! (Image Source: CricketNmore)

ஐசிசி ஒருநாள்  உலகக்கோப்பை கிரிக்கெட் தொடர் இந்தியாவில் பல்வேறு நகரங்களில் சிறப்பாக நடைபெற்று வருகிறது. இந்த தொடரில் இதுவரை நடந்து முடிந்துள்ள போட்டிகளின் முடிவில் இந்தியா, நியூசிலாந்து, தென் ஆப்பிரிக்கா, ஆஸ்திரேலியா அணிகள் புள்ளிப்பட்டியலில் முதல் 4 இடங்களில் உள்ளன. இந்நிலையில் இத்தொடரில் நாளை நடைப்பெறும் ஆட்டத்தில் 5 முறை உலக சாம்பியனான ஆஸ்திரேலியா நெதர்லாந்தை சந்திக்க உள்ளது. முதல் இரு ஆட்டங்களில் தோல்வி அடைந்த ஆஸ்திரேலியா அடுத்த இரு ஆட்டங்களில் வெற்றி பெற்று புள்ளிப்பட்டியலில் 4ஆவது இடத்தில் உள்ளது. 

நாளை நடைபெறும் ஆட்டத்தில் நெதர்லாந்தை வீழ்த்தி ஹாட்ரிக் வெற்றியை பதிவு செய்யும் முனைப்பில் ஆஸ்திரேலியா உள்ளது. அதேவேளையில் தங்களது முதல் இரு லீக் ஆட்டங்களில் தோல்வி அடைந்த நெதர்லாந்து 3வது ஆட்டத்தில் தென் ஆப்பிரிக்காவுக்கு அதிர்ச்சி அளித்தது. இதையடுத்து 4ஆவது ஆட்டத்தில் தோல்வி கண்ட நெதர்லாந்து தங்களது 2ஆவது வெற்றியை பெறும் முனைப்பில் உள்ளது. இதனால் இப்போட்டியில் பரபரப்புக்கு பஞ்சம் இருக்காது என எதிர்பார்க்கப்படுகிறது.

போட்டி தகவல்கள்

• மோதும் அணிகள் - ஆஸ்திரேலியா vs நெதர்லாந்து
• இடம் - அருண் ஜெட்லி மைதானம், டெல்லி
• நேரம் - மதியம் 2 மணி (GMT 0830)

போட்டி முன்னோட்டம்

பாட் கம்மின்ஸ் தலைமையிலான ஆஸ்திரேலிய அணி முதலிரண்டு போட்டிகளில் படுதோல்வியைச் சந்தித்தாலும், அடுத்தடுத்து இரண்டு போட்டிகளில் வெற்றியைப் பதிவுசெய்து மீண்டும் அரையிறுதிக்கான போட்டியில் நுழைந்துள்ளது. அணியின் பேட்டிங்கில் டேவிட் வார்னர், மிட்செல் மார்ஷ், ஜோஷ் இங்கிலிஸ், கிளென் மேக்ஸ்வெல் ஆகியோர் அணிக்கு பலம் சேர்க்கின்றனர். பந்துவீச்சில் மிட்செல் ஸ்டார்க், ஆடம் ஸாம்பா, ஜோஷ் ஹசில்வுட் ஆகியோர் அபாரமாக செயல்பட்டுவருவது அணிக்கு பலனளிக்ககும் விசயமாக பார்க்கப்படுகிறது. இருப்பினும் கேப்டன் பாட் கம்மின்ஸ், நட்சத்திர வீரர்கள் ஸ்டீவ் ஸ்மித், மார்னஸ் லபுஷாக்னே ஆகியோர் சோபிக்க வேண்டிய கட்டாயத்தில் உள்ளது அணிக்கு பின்னடைவாக பார்க்கப்படுகிறது. 

மறுபக்கம் ஸ்காட் எட்வர்ட்ஸ் தலைமையிலான நெதர்லாந்து அணியின் மீதான எதிர்பார்ப்புகளும் தொடரின் ஆரம்பம் முதலே இருந்தது. இருப்பினும் அந்த அணி விளையாடிய நான்கு போட்டிகளில் 3 தோல்வியைச் சந்தித்தாலும், வலிமை வாய்ந்த தென் ஆப்பிரிக்க அணியை வீழ்த்தி அபார வெற்றியைப் பதிவுசெய்துள்ளதால் நிச்சயம் அந்த் அணியால் வெற்றிக்கு போராடமுடியும் என்பது தெரிந்த ஒன்றே. அணியின் பேட்டிங்கில் மேக்ஸ் ஓடவுட், காலின் அக்கர்மேன், பாஸ் டி லீட், ஸ்காட் எட்வர்ட்ஸ், விக்ரம்ஜித் சிங் ஆகியோரும் பந்துவீச்சில் பால் வான் மிகெரன், லோகன் வான் பீக், வேண்டர் மொர்வ், ஆர்யன் தத் ஆகியோரும் இருப்பதால் நிச்சயம் எதிரணிக்கு சவாலாக இருப்பார்கள் என்ற எதிர்பார்ப்பு உள்ளது. 

பிட்ச் ரிப்போர்ட்

வரலாற்றில் சுழல் பந்து வீச்சுக்கு சாதகமாக இருந்து வந்த டெல்லி மைதானம் தற்போது பேட்டர்களுக்கு சாதகமாக மாற்றப்பட்டுள்ளது. அதனால் இந்தப் போட்டியிலும் பேட்ஸ்மேன்கள் ஆதிக்கம் செலுத்துவார்கள் என்று எதிர்பார்க்கலாம். அதேசமயம் வழக்கமாக புதிய பந்தை ஸ்விங் செய்யும் வேகப்பந்து வீச்சாளர்கள் ஆரம்பத்திலும் மிடில் ஓவர்களில் ஸ்பின்னர்களும் தாக்கத்தை ஏற்படுத்தி விக்கெட்டுகளை எடுக்கலாம். மேலும் இங்கு ஒருநாள் கிரிக்கெட்டில் சராசரி ஸ்கோர் 241 ஆகும். மேலும் பனியின் தாக்கும் இருக்கும் என்பதால் டாஸ் வெல்லும் கேப்டன் இங்கு முதலில் பந்து வீச தீர்மானிப்பது வெற்றிக்கு வித்திடலாம். 

நேருக்கு நேர்

• மோதிய போட்டிகள் - 02
• ஆஸ்திரேலியா - 02
• நெதர்லாந்து - 00

உத்தேச லெவன்

ஆஸ்திரேலியா: டேவிட் வார்னர், மிட்செல் மார்ஷ், கிளென் மேக்ஸ்வெல், ஸ்டீவ் ஸ்மித், மார்கஸ் ஸ்டோனிஸ், ஸ்டீவ் ஸ்மித், ஜோஷ் இங்கிலிஸ், மார்னஸ் லாபுஷாக்னே, பாட் கம்மின்ஸ் (கே), மிட்செல் ஸ்டார்க், ஜோஷ் ஹசில்வுட், ஆடம் ஸாம்பா.

நெதர்லாந்து: விக்ரம்ஜித் சிங், மேக்ஸ் ஓ'டவுட், கொலின் அக்கர்மேன், பெஸ் டி லீடே, தேஜா நிடமனுரு, ஸ்காட் எட்வர்ட்ஸ் (கே), சிப்ரண்ட் இங்கல்பிரெக்ட், லோகன் வாக் பீக், ரீலோஃப் வான் டெர் மெர்வே, ஆர்யன் தத், பால் வான் மீகெரென்.

ஃபேண்டஸி லெவன் டிப்ஸ்

• விக்கெட் கீப்பர் - ஸ்காட் எட்வர்ட்ஸ்
• பேட்ஸ்மேன்கள்- டேவிட் வார்னர், மிட்செல் மார்ஷ், மார்னஸ் லாபுஷாக்னே
• ஆல்-ரவுண்டர்கள் - சிப்ராண்ட் இங்கல்பிரெக்ட், க்ளென் மேக்ஸ்வெல் (துணை கேப்டன்), மார்கஸ் ஸ்டோனிஸ், கொலின் அக்கர்மேன், பெஸ் டி லீட்
• பந்துவீச்சாளர்கள்- ரீலோஃப் வான் டெர் மெர்வே, ஆடம் ஸாம்பா (கேப்டன்)

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now