ஐசிசி உலகக்கோப்பை 2023: வங்கதேசத்தை 245 ரன்களுக்கு சுருட்டியது நியூசிலாந்து!
நியூசிலாந்துக்கு எதிரான உலகக்கோப்பை லீக் போட்டியில் முதலில் பேட்டிங் செய்த வங்கதேச அணி 246 ரன்களை இலக்காக நிர்ணயித்துள்ளது.
-mdl.jpg "ICC ODI World Cup 2023: Bangladesh finish their innings with 245-9!")
அதிரடி வீரர் லிட்டன் தாஸ் முதல் பந்திலெயே அடிக்க முயல, மேட் ஹென்றியிடம் கேட்ச் கொடுத்து விக்கெட்டை இழந்தார். அவரைத் தொடர்ந்து மற்றொரு தொடக்க வீரரான தன்ஸித் ஹசனும் 16 ரன்களுக்கும், நஹ்முல் ஹொசைன் சாண்டொ 7 ரன்களுக்கும் என விக்கெட்டை இழந்து பெவிலியனுக்கு நடையைக் கட்டினர்.
Trending
இதையடுத்து பெரிதும் எதிர்பார்க்கப்பட்ட மெஹதி ஹசன் மிராஸ் 30 ரன்களுக்கு ஆட்டமிழந்து அரைசதம் அடிக்கும் வாய்ப்பை தவறவிட்டார். பின்னர் ஜோடி சேர்ந்த கேப்டன் ஷாகிப் அல் ஹசன் - முஷ்பிக்கூர் ரஹிம் இணை அதிரடியான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினார். இதில் அபார ஆட்டத்தை வெளிப்படுத்திய முஷ்பிக்கூர் ரஹிம் அரைசதம் கடந்தும் அசத்தினார்.
அதேசமயம் மறுப்பக்கம் அரைசதம் அடிப்பார் என எதிர்பார்க்கப்பட்ட ஷாகிப் அல் ஹசன் 3 பவுண்டரி, 2 சிக்சர்கள் என 40 ரன்களில் விக்கெட்டை இழக்க, அவரைத்தொடர்ந்து சிறப்பான ஆட்டத்தை வெளிப்படுத்தி வந்த முஷ்பிக்கூர் ரஹிம் 6 பவுண்டரி, 2 சிக்சர்கள் என 66 ரன்கள் எடுத்த நிலையில் மேட் ஹென்றி பந்துவீச்சில் க்ளீன் போல்டாகினார்.
அதனைத்தொடர்ந்து களமிறங்கிய மூத்த வீரர் மஹ்முதுல்லா ஒருபக்கம் நிதானம் கட்டம், மறுமுனையில் களமிறங்கிய தாஹித் ஹிரிடோய் 13 ரன்களுக்கும், தஸ்கின் அஹ்மத் 2 சிக்சர்களை விளாசி 17 ரன்களிலும் என அடுத்தடுத்து விக்கெட்டுகளை இழந்தனர். இருப்பினும் இறுதிவரை களத்திலிருந்த மஹ்முதுல்லா 2 பவுண்டரி, 2 சிக்சர்கள் என 41 ரன்களைச் சேர்த்தார்.
இதன்மூலம் வங்கதேச அணி 50 ஓவர்கள் முடிவில் 9 விக்கெட்டுகளை இழந்து 245 ரன்களைச் சேர்த்தது. நியூசிலாந்து அணி தரப்பில் லோக்கி ஃபர்குசன் 3 விக்கெட்டுகளையும், டிரெண்ட் போல்ட், மேட் ஹென்றி தலா 2 விக்கெட்டுகளைக் கைப்பற்றி அசத்தினர்.
Win Big, Make Your Cricket Tales Now
