ஜூன் மாதத்திற்கான ஐசிசி சிறந்த வீரர்களுக்கான விருது அறிவிப்பு!
ஜூன் மாதத்தின் சிறந்த வீராங்கனைக்கான ஐசிசி விருது பட்டியலில் இந்திய மகளிர் அணியைச் சேர்ந்த ஷஃபாலி வர்மா, ஸ்நே ராணா ஆகியோரது பெயர்கள் பரிந்துரைக்கப்பட்டுள்ளது.
இந்த ஐசிசி விருது பட்டியலில் இடம் பெறும் 3 வீரர், வீராங்கனைகளில் இருந்து தலா ஒருவர் வாக்குகளின் அடிப்படையில் தேர்வு செய்து விருது வழங்கி வருகின்றனர்.
Trending
இந்நிலையில், ஜூன் மாதத்திற்கான சிறந்த வீரர்களாக நியூசிலாந்து அணியின் அறிமுக வீரர் டேவன் கான்வே, வேகப்பந்து விச்சாளர் கைல் ஜேமிசன், தென் ஆப்பிரிக்காவின் குயின்டன் டி காக் ஆகியோர் பரிந்துரைக்கப்பட்டுள்ளனர்.
Your men's #ICCPotm nominees for June are here! @BLACKCAPS x 2@OfficialCSA x 1
— ICC (@ICC) July 7, 2021
Who are you voting for?
https://t.co/rTliKKKhqg pic.twitter.com/5i2ouXBdqb
இதில் டேவன் கான்வே இங்கிலாந்து அணிக்கெதிரான தனது அறிமுக டெஸ்ட் போட்டியிலேயே இரட்டை சதமடித்து சாதனை படைத்தார். அதேபோல் வேகப்பந்து வீச்சாளர் கைல் ஜேமிசன் உலக டெஸ்ட் சாம்பியன்ஷிப் இறுதிப் போட்டியில் நியூசிலாந்து அணி பட்டத்தை வெல்ல உதவியாக இருந்தார். தென் ஆப்பிரிக்க அணியின் குயின்டன் டி காக், வெஸ்ட் இண்டீஸ் அணியுடனான டெஸ்ட் மற்றும் டி20 தொடரில் அபாரமான ஆட்டத்தை வெளிப்படுத்து தொடரை வெல்ல காரணமாக அமைந்தார் என்பது குறிப்பிடத்தக்கது.
மேலும் ஜூன் மாதத்திற்கான சிறந்த வீராங்கனைகளாக இந்திய மகளிர் அணியைச் சேர்ந்த ஷஃபாலி வர்மா, ஸ்நே ராணா மற்றும் இங்கிலாந்து அணியின் சோபி எக்லெக்ஸ்டோன் ஆகியோர் பரிந்துரைக்கப்பட்டுள்ளனர்.
The thrilling #ENGvIND series has thrown up all three nominees for the women's #ICCPOTM for June
— ICC (@ICC) July 7, 2021
Get your votes in!
https://t.co/ukFFact9iF pic.twitter.com/GMd4358iq7
இங்கிலாந்து அணிக்கெதிரான டெஸ்ட் தொடரின் அறிமுக போட்டியிலேயே ஷஃபாலி வர்மா இரு இன்னிங்ஸிலும் அரைசதம் கடந்து அசத்தியதாலும், ஸ்நே ராணா பந்து வீச்சு மற்றும் பேட்டிங்கில் இந்திய அணியை தோல்வியிலிருந்து காப்பாற்றியதாலும் அவர்களது பெயர் இப்பட்டியலில் இடம்பிடித்துள்ளது.
Win Big, Make Your Cricket Tales Now
