ஐஎல்டி20 2024: அலெக்ஸ் ஹேல்ஸ் அதிரடி அரைசதம்; துபாய் கேப்பிட்டல்ஸுக்கு 172 ரன்கள் இலக்கு!
துபாய் கேப்பிட்டல்ஸ் அணிக்கெதிரான ஐஎல்டி20 லீக் போட்டியில் முதலில் பேட்டிங் செய்த டெஸர்ட் வைப்பர்ஸ் அணி 172 ரன்களை இலக்காக நிர்ணயித்துள்ளது.
ஐஎல்டி20 என்றழைக்கப்படும் இன்டர்நேஷனல் லீக் டி20 தொடரின் இரண்டாவது சீசன் தற்போது இறுதிக்கட்டத்தை நெருங்கியுள்ளது. இதில் இன்று நடைபெற்ற 27ஆவது லீக் ஆட்டத்தில் டெஸர்ட் வைப்பர்ஸ் - துபாய் கேப்பிட்டல்ஸ் அணிகள் பலப்பரீட்சை நடத்தின. துபாய் சர்வதேச மைதானத்தில் நடைபெற்ற இப்போட்டியில் டாஸ் வென்ற துபாய் கேப்பிட்டல்ஸ் அணி முதலில் பந்துவீசுவதாக அறிவித்தது.
இதையடுத்து களமிறங்கிய டெஸர்ட் வைப்பர்ஸ் அணிக்கு பிலிப் சால்ட் - அலெக்ஸ் ஹேல்ஸ் இணை அதிரடியான தொடக்கத்தைக் கொடுத்து அணிக்கு தேவையான அடித்தளத்தை அமைத்துக்கொண்டுத்தனர். அதன்பின் பிலிப் சால்ட் 4 பவுண்டரி, ஒரு சிக்சர் என 26 ரன்கள் எடுத்த நிலையில் பிலிப் சால்ட் ஆட்டமிழக்க, அடுத்து களமிறங்கிய டேனியல் லாரன்ஸ் 15 ரன்களிலும், கேப்டன் காலின் முன்ரோ 6 ரன்களிலும் என விக்கெட்டை இழந்தனர்.
Trending
இதற்கிடையில் அதிரடியாக விளையாடி வந்த அலெக்ஸ் ஹேல்ஸ் அரைசதம் கடந்ததுடன் 4 பவுண்டரி, 6 சிக்சர்கள் என 66 ரன்கள் எடுத்த நிலையில் விக்கெட்டை இழந்தார். அவரைத்தொடர்ந்து வந்த ஆடம் ஹோஸ் 7 ரன்களுக்கும், சாம் கரன் 17 ரன்களுக்கும், மைக்கேல் ஜோன்ஸ் 20 ரன்களுக்கும் என விக்கெட்டை இழக்க டெஸர்ட் வைப்பர்ஸ் அணி தடுமாறியது.
அதன்பின் களமிறங்கிய வீரர்களும் சோபிக்க தவற 20 ஓவர்கள் முடிவில் டெஸர்ட் வைப்பர்ஸ் அணி 7 விக்கெட் இழப்பிற்கு 171 ரன்களைச் சேர்த்தது. துபாய் கேப்பிட்டல்ஸ் அணி தரப்பில் ஒல்லி ஸ்டோன் மற்றும் வேண்டர் மெர்வ் ஆகியோர் தலா 2 விக்கெட்டுகளைக் கைப்பற்றினார். இதையடுத்து 172 ரன்கள் எடுத்தால் வெற்றி என்ற இலக்குடன் துபாய் கேப்பிட்டல்ஸ் அணி விளையாடவுள்ளது.
Win Big, Make Your Cricket Tales Now
Cricket Scorecard
