-mdl.jpg "ILT20 2024: Tom Kohler-Cadmore, Martin Guptill Steer Sharjah Warriors to Exciting Win Over Desert Vi")
ஐஎல்டி20 லீக் தொடரின் 2ஆவது வீசன் ஐக்கிய அரபு அமீரகத்தில் விறுவிறுப்பாக நடைபெற்று வருகிறது. இதில் நேற்று நடைபெற்ற 13ஆவது லீக் போட்டியில் டெஸர்ட் வைப்பர்ஸ் மற்றும் ஷார்ஜா வாரியர்ஸ் அணிகள் பலப்பரீட்சை நடத்தின. ஷார்ஜாவில் நடைபெற்ற இப்போட்டியில் டாஸ் வென்ற டெஸர்ட் வைப்பர்ஸ் அணி முதலில் பந்துவீசுவதாக அறிவித்தது.
இதையடுத்து களமிறங்கிய ஷார்ஜா வாரியர்ஸ் அணிக்கு நிரோஷன் டிக்வெல்லா - ஜான்சன் சார்லஸ் இணை தொடக்கம் கொடுத்தனர். இதில் டிக்வெல்லா 5 ரன்களிலும், சார்லஸ் 6 ரன்களிலும் என விக்கெட்டை இழந்தனர். அதன்பின் இணைந்த மார்ட்டின் கப்தில் - கொஹ்லர் காட்மோர் இணை அதிரடியாக விளையாடி அணியின் ஸ்கோரை மளமளவென உயர்த்தினர். இதில் காட்மோர் தனது அரைசதத்தைப் பதிவுசெய்தார்.
பின் 39 ரன்களில் மார்ட்டின் கப்தில் விக்கெட்டை இழக்க, மறுபக்கம் 2 பவுண்டரி, 8 சிக்சர்கள் என 68 ரன்களையும் சேர்த்து ஆட்டமிழந்தனர். அதன்பின் களமிறங்கிய டென்லி 22 ரன்களைச் சேர்க்க மற்ற வீரர்கள் அனைவரும் சொற்ப ரன்களில் ஆட்டமிழந்தனர். இதனால் 20 ஓவர்கள் ஷார்ஜா வாரியர்ஸ் அணி 7 விக்கெட்டுகளை இழந்து 174 ரன்களைச் சேர்த்தது. வைப்பர்ஸ் அணி தரப்பில் லுக் வுட், வநிந்து ஹசரங்கா தலா 3 விக்கெட்டுகளைக் கைப்பற்றினர்.
