ஐஎல்டி20: புள்ளிப்பட்டியளில் முதலிடத்திற்கு முன்னேறியது கல்ஃப் ஜெயண்ட்ஸ்!

ஷார்ஜா வாரியர்ஸுக்கு எதிரான ஐஎல்டி20 லீக் ஆட்டத்தில் கல்ஃப் ஜெயண்ட்ஸ் அணி 7 விக்கெட் வித்தியாசத்தில் வெற்றிபெற்றது.

ILT20: David Wiese's Deadly Spell Helps Gulf Giants Knock Out Sharjah Warriors (Image Source: Google)

ஐக்கிய அரபு அமீரகத்தில் நடைபெற்றுவரும் ஐஎல்டி20 லீக் தொடரின் முதல் சீசன் இறுதிக்கட்டத்தை எட்டியுள்ளது. இதில் நேற்று நடைபெற்ற 30ஆவது லீக் ஆட்டத்தில் கல்ஃப் ஜெயண்ட்ஸ் - ஷார்ஜா வாரியர்ஸ் அணிகள் பலப்பரீட்சை நடத்தின. இதில் டாஸ் வென்ற கல்ஃப் ஜெயண்ட்ஸ் அணி முதலில் பந்துவீச தீர்மானித்தது.

அதன்படி களமிறங்கிய ஷார்ஜா வாரியர்ஸ் அணியில் குர்பாஸ் 7 ரன்களிலும், கேப்டன் மொயீன் அலியும் ஒரு ரன்னிலும், லூயிஸ் 3 ரன்களிலும், அதிரடியாக விளையாடிய கொஹ்லர் காட்மோரும் 33 ரன்களுக்கு விக்கெட்டை இழந்தார். அதன்பின் களமிறங்கிய வீரர்களும் சொற்ப ரன்களுக்கு அடுத்தடுத்து விக்கெட்டுகளை இழந்தனர்,

இதனால் 18.3 ஓவர்களில் ஷார்ஜா வாரியர்ஸ் அணி அனைத்து விக்கெட்டுகளையும் இழந்து 107 ரன்கலுக்கு ஆல் அவுட்டானது. கல்ஃப் ஜெயண்ட்ஸ் அணி தரப்பில் டேவிட் வைஸ் 5 விக்கெட்டுகளையும், பிராத்வைட் 2 விக்கெட்டுகளையும் கைப்பற்றினர்.

இதையடுத்து எளிய இலக்கை நோக்கி களமிறங்கிய கல்ஃப் ஜெயண்ட்ஸ் அணிக்கு டாம் பாண்டன் - ஜேம்ஸ் வின்ஸ் இணை சிறப்பான தொடக்கத்தைக் கொடுத்தனர். இதில் டாம் பாண்டன் 11 ரன்களிலும், ஜேம்ஸ் வின்ஸ் 27 ரன்களிலும் ஆட்டமிழக்க, அடுத்து வந்த காலின் டி கிராண்ட்ஹோம் 35 ரன்களைச் சேர்த்து ஆட்டமிழந்தார்.

அதன்பின் ஆயான் அஃப்ஸல் கான் - எராஸ்மஸ் இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தியதுடன், வெற்றியையும் உறுதிசெய்தார்.

இதன்மூலம் கல்ஃப் ஜெயண்ட்ஸ் அணி அணி 16.3 ஓவர்களில் இலக்கை எட்டியதுடன், 7 விக்கெட் வித்தியாசத்தில் ஷார்ஜா வாரியர்ஸ் அணி வீழ்த்தி வெற்றிபெற்றது.

Win Big, Make Your Cricket Tales Now