ஐஎல்டி20 2025: வைப்பர்ஸின் தொடர் வெற்றிக்கு முற்றுப்புள்ளி வைத்தது கேப்பிட்டல்ஸ்!
டெஸர்ட் வைப்பர்ஸ் அணிக்கு எதிரான ஐஎல்டி20 லீக் போட்டியில் துபாய் கேப்பிட்டல்ஸ் அணி 6 விக்கெட் வித்தியாசத்தில் வெற்றிபெற்றது.
ஐஎல்டி20 லீக் சீசனின் மூன்றாவது சீசன் விறுவிறுப்பான கட்டத்தை எட்டியுள்ள நிலையில், இத்தொடரில் நேற்று நடைபெற்ற 13ஆவது லீக் போட்டியில் துபாய் கேப்பிட்டல்ஸ் மற்றும் டெஸர்ட் வைப்பர்ஸ் அணிகள் பலப்பரீட்சை நடத்தின. துபாய் சர்வதேச கிரிக்கெட் மைதானத்தில் நடைபெற்ற இப்போட்டியில் டாஸை வென்ற கேப்பிட்டல்ஸ் அணி முதலில் பந்துவீசுவதாக அறிவித்தது.
இதனைத்தொடர்ந்து பேட்டிங் செய்ய வந்த வைப்பர்ஸ் அணிக்கு ஃபகர் ஸமான் மற்றும் அலெக்ஸ் ஹேல்ஸ் இணை தொடக்கம் கொடுத்தனர். இதில் ஃபகர் ஸமான் 14 ரன்களை மட்டுமே எடுத்து ஆட்டமிழந்தார். அவரைத்தொடர்ந்து நிதானமாக விளையாடி வந்த அலெக்ஸ் ஹேல்ஸும் 2 பவுண்டரி, 2 சிக்ஸர்கள் என 34 ரன்களில் தனது விக்கெட்டை இழக்க, பின்னர் களமிறங்கிய நட்சத்திர வீரர் சாம் கரணும் 3 ரன்களுடன் ஆட்டமிழந்து ஏமாற்றமளித்தார். அவர்களைத் தொடர்ந்து அஸாம் கான் 10 ரன்களிலும், டேனியல் லாரன்ஸ் 24 ரன்களிலும் என சீரான இடைவேளையில் விக்கெட்டுகளை இழந்தனர்.
Trending
அதன்பின் களமிறங்கிய வீரர்களில் ஷெர்ஃபேன் ரூதர்ஃபோர்ட் 27 ரன்களையும், வநிந்து ஹசரங்கா 13 ரன்களையும் சேர்த்ததை தவிர்த்து மற்ற வீரர்கள் அனைவரும் அடுத்தடுத்து சொற்ப ரன்களுக்கு விக்கெட்டுகளை இழந்து ஏமாற்றமளித்தனர். இதனல் டெஸார்ட் வைப்பர்ஸ் அணி 19.5 ஓவர்களில் அனைத்து விக்கெட்டுகளையும் இழந்து 139 ரன்களுக்கு ஆல் அவுட்டானது. துபாய் கேப்பிட்டல்ஸ் அணி தரப்பில் துஷ்மந்தா சமீரா 3 விக்கெட்டுகளை கைப்பற்றினார். அதன்பின் காளமிறங்கிய கேப்பிட்டல்ஸ் அணியில் டாப் ஆர்டர் வீரர்கள் ஷாய் ஹோப், கலித் ஷா, பென் டங்க் என அடுத்தடுத்து சொற்ப ரன்களுக்கு விக்கெட்டை இழந்தனர்.
இதனால் அந்த அணி 42 ரன்களுக்கு 3 விக்கெட்டுகளை இழந்து தடுமாறியது. அதன்பின் ஜோடி சேர்ந்த குல்பதின் நைப் - சிக்கந்தர் ரஸா இணை பொறுப்புடன் விளையாடி விக்கெட் இழப்பை தடுத்து நிறுத்தினர். இதில் அபார ஆட்டத்தை வெளிப்படுத்திய குல்பதின் நைப் தனது அரைசதத்தை பதிவுசெய்து அசத்தினார். அதேசமயம் அவருடன் இணைந்து விளையாடி வந்த கேப்டன் சிக்கந்தர் ரஸா 24 ரன்களில் விக்கெட்டை இழந்தாலும், இறுதிவரை ஆட்டமிழக்காமல் இருந்த குல்பதின் நைன் 3 பவுண்டரி, 5 சிக்ஸர்கள் என 78 ரன்களைச் சேர்த்து அணிக்கு வெற்றியைத் தேடிக்கொடுத்தனர்.
Also Read: Funding To Save Test Cricket
இதன்மூலம் துபாய் கேப்பிட்டல்ஸ் அணி 17.4 ஓவர்களில் இலக்கை எட்டியதுடன் 6 விக்கெட் வித்தியாசத்தில் டெஸர்ட் வைப்பர்ஸ் அணியை வீழ்த்தி வெற்றிபெற்று அசத்தியது. இதன்மூலம் டெஸர்ட் வைப்பர்ஸ் அணியின் தொடர் வெற்றிக்கும் கேப்பிட்டல்ஸ் அணி முற்றுப்புள்ளி வைத்துள்ளது. இப்போட்டியில் அரைசதம் அடித்து அணிக்கு வெற்றியைத் தேடிக்கொடுத்த குல்பதின் நைப் ஆட்டநாயகன் விருதை வென்றார்.
Win Big, Make Your Cricket Tales Now
