Important I play as many matches as possible ahead of 2023 World Cup: Shikhar Dhawan (Image Source: Google)
இந்தியா - தென் ஆப்பிரிக்க அணிகளுக்கும் இடையேயான ஒருநாள் தொடர் இன்று முதல் தொடங்கவுள்ளது. மேலும் டி20 உலகக்கோப்பை தொடரில் பங்கேற்கும் ரோஹித் தலைமையிலான இந்திய அணி இன்று ஆஸ்திரேலியா சென்றுள்ளது.
இதன் காரணமாக தென் ஆப்பிரிக்க அணிக்கு எதிரான ஒருநாள் தொடரில் இந்திய கிரிக்கெட் அணியை சீனியர் வீரர் ஷிகர் தவான் வழிநடத்த உள்ளார் என்பது குறிப்பிடத்தக்கது.
தற்போது 36 வயதான ஷிகர் தவான் கடந்த 2010 முதல் சர்வதேச கிரிக்கெட் போட்டிகளில் இந்திய அணி சார்பில் விளையாடி வருகிறார். சர்வதேச கிரிக்கெட் கவுன்சில் நடத்தும் தொடர்களில் இந்திய அணிக்காக அதிக ரன்களை குவித்து கொடுக்கும் வீரர் இவர். இதுவரை 34 டெஸ்ட், 158 ஒருநாள் மற்றும் 68 டி20 போட்டிகளில் தவான் விளையாடி உள்ளார்.
