யு19 உலகக்கோப்பை 2024 அரையிறுதி: இந்தியா vs தென் ஆப்பிரிக்கா - போட்டி முன்னோட்டம் & ஃபேண்டஸி லெவன் டிப்ஸ்!

ஐசிசி யு19 உலகக்கோப்பை தொடரில் நாளை நடைபெறும் முதலாவது அரையிறுதிப்போட்டியில் இந்திய அணியை எதிர்த்து தென் ஆப்பிரிக்க அணி விளையாடவுள்ளது.

யு19 உலகக்கோப்பை 2024 அரையிறுதி: இந்தியா vs தென் ஆப்பிரிக்கா - போட்டி முன்னோட்டம் & ஃபேண்டஸி லெவன் ட (Image Source: Google)

அண்டர்19 வீரர்களுக்கான ஐசிசி ஒருநாள் உலகக்கோப்பை கிரிக்கெட் தொடர் தென் ஆப்பிரிக்காவில் நடைபெற்று வருகிறது. இதில் நாளை நடைபெறும் முதல் அரையிறுதிப்போட்டியில் இந்திய அண்டர் 19 அணியை எதிர்த்து தென் ஆப்பிரிக்க அண்டர் 19 அணி பலப்பரீட்சை நடத்துகிறது. இத்தொடரில் தோல்வியையே சந்திக்காத இந்திய அணி அரையிறுதில் வென்று இறுதிப்போட்டிக்கு முன்னேறும் முனைப்பில் உள்ளது. அதேசமயம் சொந்த மண்ணில் நடைபெறும் இந்த தொடரில் சாம்பியன் பட்டத்தை கைப்பற்ற வேண்டும் என்ற எண்ணத்தில் தென் ஆப்பிரிக்கா விளையாட உள்ளதால் இப்போட்டியின் மீதான எதிர்பார்ப்பும் அதிகரித்துள்ளது.

போட்டி தகவல்கள்

• மோதும் அணிகள் - இந்தியா யு19 அணி vs தென் ஆப்பிரிக்க யு19 அணி
• இடம் - வில்லோமூர் பார்க், பெனோனி
• நேரம் - மதியம் 1.30 மணி (இந்திய நேரப்படி)

நேரலை

ஐசிசி அண்டர் 19 ஒருநாள் உலகக்கோப்பை கிரிக்கெட் தொடரை இந்திய ரசிகர்கள் ஸ்டார் ஸ்போர்ட்ஸ் தொலைக்காட்சில் கண்டு களிக்கலாம். அதேபோல் டிஸ்னி பிளஸ் ஹாட்ஸ்டார் ஓடிடி தளத்திலும் இத்தொடர் நேரலை செய்யப்படுகிறது.

பிட்ச் ரிப்போர்ட்

இந்தியா - தென் ஆப்பிரிக்க அணிகள் மோதும் இப்போட்டி நடைபெறும் பெனோனி கிரிக்கெட் மைதானம் சுழற்பந்து வீச்சாளர்களுக்கு சாதகமான மைதானமாக பார்க்கப்படுகிறது. இருப்பினும் பந்தை ஸ்விங் செய்யக்கூடிய வேகப்பந்து வீச்சாளர்களால் இந்த மைதானத்தில் தாக்கத்தை ஏற்படுத்த முடியும். மேலும் இந்த மைதானத்தில் ரன்களைச் சேர்ப்பது கடினம் என்பதால், பேட்டர்கள் பொறுமையாக விளையாடி ரன்களைச் சேர்ப்பது அணியின் வெற்றிக்கு உதவலாம்.

உத்தேச லெவன்

இந்தியா யு19 அணி: ஆதர்ஷ் சிங், அர்ஷின் குல்கர்னி, முஷீர் கான், உதய் சஹாரன் (கே), பிரியன்ஷு மோலியா, ஆரவெல்லி அவனிஷ், சச்சின் தாஸ், முருகன் அபிஷேக், ராஜ் லிம்பானி, சௌமி பாண்டே, ஆராத்யா ஷுக்லா

தென் ஆப்பிரிக்க யு19 அணி: லுவான்-ட்ரே பிரிட்டோரியஸ், ஸ்டீவ் ஸ்டோக், டேவிட் டீகர், ரிச்சர்ட் செலெட்ஸ்வான், திவான் மரைஸ், ரோமாஷன் பிள்ளை, ஜுவான் ஜேம்ஸ் (கே), ரிலே நார்டன், டிரிஸ்டன் லூஸ், நகோபானி மொகோனா, குவேனா மபாகா

ஃபேண்டஸி லெவன் டிப்ஸ்

• விக்கெட் கீப்பர்: லுவான் ட்ரே பிரிட்டோரியஸ்
• பேட்டர்ஸ்: உதய் சஹாரன் (துணை கேப்டன்), ஸ்டீவ் ஸ்டோக், ஆதர்ஷ் சிங், திவான் மரைஸ்
• ஆல்-ரவுண்டர்கள்: அர்ஷின் குல்கர்னி, முஷீர் கான் (கேப்டன்), டிரிஸ்டன் லூஸ்
• பந்துவீச்சாளர்கள்: குவேனா மபாகா, ராஜ் லிம்பானி, சௌமி பாண்டே

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now