இந்தியா vs நியூசிலாந்து, முதல் டி20 - உத்தேச லெவன் & ஃபேண்டஸி லெவன் டிப்ஸ்!

இந்தியா-நியூசிலாந்து அணிகள் மோதும் முதல் டி20 போட்டி வெல்லிங்டனில் இன்று நடக்கிறது.

IND v NZ: Road to 2024 T20 World Cup kickstarts as new-look India take on strong New Zealand (Image Source: Google)

நியூசிலாந்துக்கு சென்றுள்ள இந்திய கிரிக்கெட் அணி மூன்று போட்டிகள் அடங்கிய டி20 மற்றும் 3 ஒரு நாள் தொடரில் விளையாடுகிறது. இத்தொடருக்கான இந்திய டி20 அணிக்கு ஹர்திக் பாண்டியாவும், ஒருநாள் அணிக்கு ஷிகர் தவானும் கேப்டனாக பணியாற்ற உள்ளனர்.

இதன்படி இந்தியா-நியூசிலாந்து அணிகள் இடையிலான முதலாவது டி20 போட்டி வெலிங்டனில் இன்று நடக்கிறது. சமீபத்தில் இவ்விரு அணிகளும் 20 ஓவர் உலக கோப்பை போட்டியில் அரைஇறுதியுடன் வெளியேறிய பிறகு விளையாடப்போகும் முதல் தொடர் இதுவாகும்.

இந்திய அணியில் கேப்டன் ரோஹித் சர்மா, விராட் கோலி, கேஎல் ராகுல், அஸ்வின், முகமது ஷமி, தினேஷ் கார்த்திக் ஆகிய முன்னணி வீரர்களுக்கு ஓய்வு அளிக்கப்பட்டுள்ளது. இதனால் ஹர்திக் பாண்டியா தலைமையில் இளம் படை களத்தில் குதிக்கிறது. சஞ்சு சாம்சன், சூர்யகுமார் யாதவ், இஷான் கிஷன், சுப்மான் கில், ஸ்ரேயாஸ் அய்யர், பந்த் போன்ற அதிரடி சூரர்கள் கவனத்தை ஈர்க்கிறார்கள். 

உலக கோப்பையில் கலக்கிய சூர்யகுமாருக்கு, 20 ஓவர் கிரிக்கெட்டில் ஓராண்டில் அதிக ரன்கள் குவித்தவரான முகமது ரிஸ்வானின் (பாகிஸ்தான்) சாதனையை தகர்க்க இன்னும் 286 ரன்கள் தேவைப்படுகிறது. இந்த தொடரில் அதை நெருங்குவதற்கு வாய்ப்புள்ளது.

பந்து வீச்சில் அர்ஷ்தீப் சிங், புவனேஷ்வர்குமார், யுஸ்வேந்திர சாஹல், வாஷிங்டன் சுந்தர், புயல்வேக பந்துவீச்சாளர் உம்ரான் மாலிக் உள்ளிட்டோர் வலு சேர்க்கிறார்கள். அடுத்த 20 ஓவர் உலக கோப்பை போட்டிக்கு இளம் வீரர்களை கொண்டு வருவதற்கான முதற்படிக்கட்டாக இந்த தொடர் இருக்கும்.

அதேசமயம், கேன் வில்லியம்சன் தலைமையில் நியூசிலாந்தும் வலுவான அணியாக களம் இறங்குகிறது. டி20 உலக கோப்பையில் விளையாடிய வீரர்களில் டிரென்ட் பவுல்ட், மார்ட்டின் கப்தில் ஆகியோருக்கு மட்டுமே அணியில் இல்லை. மற்றபடி பேட்டிங்கில் டெவான் கான்வே, ஃபின் ஆலென், கிளென் பிலிப்ஸ், கேப்டன் வில்லியம்சன், டேரில் மிட்செல், பந்து வீச்சில் லோக்கி ஃபர்குசன், டிம் சவுதி, சான்ட்னெர் மிரட்ட காத்திருக்கிறார்கள். உள்ளூர் சூழல் அவர்களுக்கு சாதகமாக இருக்கும்.

நியூசிலாந்து மைதானங்கள் சிறியவை என்பதால் ரன்வேட்டை நடத்த முடியும். அதற்கு வெலிங்டனும் விதிவிலக்கல்ல. கடந்த 2019ஆம் ஆண்டு இந்தியாவுக்கு எதிராக நியூசிலாந்து 6 விக்கெட்டுக்கு 219 ரன்கள் குவித்தது இந்த மைதானத்தில் ஒரு அணியின் அதிகபட்ச ஸ்கோராகும்.

இவ்விரு அணிகளும் 20 ஓவர் கிரிக்கெட்டில் இதுவரை 20 ஆட்டங்களில் நேருக்கு நேர் மோதியுள்ளன. இதில் இரு அணிகளும் தலா ஒன்பது முறைய வெற்றிபெற்றுள்ளன. இரண்டு போட்டிகள் முடிவில்லாமல் அமைந்துள்ளது. முன்னதாக 2020ஆம் ஆண்டில் இந்திய அணி நியூசிலாந்தில் சுற்றுப்பயணம் மேற்கொண்ட இந்திய அணி டி20 தொடரை 5-0 என்ற கணக்கில் வென்று வரலாறு படைத்தது. அதே போன்று மறுபடியும் இந்தியா ஆதிக்கம் செலுத்துமா? என்பதே ரசிகர்களின் எதிர்பார்ப்பாகும். 

உத்தேச அணி

நியூசிலாந்து - ஃபின் ஆலன், டெவான் கான்வே, கேன் வில்லியம்சன் (கே), க்ளென் பிலிப்ஸ், டேரில் மிட்செல், ஜேம்ஸ் நீஷம், மிட்செல் சான்ட்னர், லாக்கி ஃபர்குசன், டிம் சௌதி, இஷ் சோதி, ஆடம் மில்னே.

இந்தியா - ஷுப்மன் கில், இஷான் கிஷன், ஸ்ரேயாஸ் ஐயர், சூர்யகுமார் யாதவ், ஹர்திக் பாண்டியா (கே), ரிஷப் பந்த், வாஷிங்டன் சுந்தர், யுஸ்வேந்திர சாஹல், அர்ஷ்தீப் சிங், புவனேஷ்வர் குமார், முகமது சிராஜ்.

ஃபேண்டஸி லெவன்  டிப்ஸ்