இந்தியா vs ஆஃப்கானிஸ்தான், முதல் டி20 - வெல்லப்போவது யார்?
இந்தியா - ஆஃப்கானிஸ்தான் அணிகளுக்கு இடையேயான முதலாவது டி20 போட்டி இன்று மொஹாலியில் நடைபெறவுள்ளது.
இந்தியா - ஆஃப்கானிஸ்தான் மோதும் 3 ஆட்டங்கள் கொண்ட டி20 தொடரின் முதல் ஆட்டம், இன்று நடைபெறுகிறது. இவ்விரு அணிகளிடையே நடைபெறும் முதல் இருதரப்பு வெள்ளைப் பந்து தொடர் இதுவென்பது குறிப்பிடத்தக்கது. ஜூன் மாதம் நடைபெறவுள்ள டி20 உலகக் கோப்பை போட்டிக்கு முன்பாக இந்தியா விளையாடும் கடைசி இருதரப்பு டி20 தொடர் இது. எனவே அணி, போட்டிக்கான தயார்நிலையில் உள்ளதை மதிப்பிட இந்தத் தொடர் கடைசி வாய்ப்பாகும்.
இந்திய அணியில் ரோஹித் சர்மா, விராட் கோலி ஆகிய நட்சத்திர வீரர்கள், டி20 அணியில் சுமார் 14 மாதங்களுக்குப் பிறகு இணைந்திருப்பதால், அவர்கள் மீதான எதிர்பார்ப்பு அதிகமாக இருக்கும். எனினும், தனிப்பட்ட காரணங்களுக்காக கோலி முதல் ஆட்டத்தில் விளையாடவில்லை. கடந்த ஆண்டு ஒருநாள் உலகக் கோப்பை கிரிக்கெட்டில் பவர்பிளேயில் அதிரடி காட்டிய கேப்டன் ரோஹித் சர்மா, இந்தத் தொடரிலும் அதைச் செய்வார் என்ற நம்பிக்கையுடன் ரசிகர்கள் உள்ளனர்.
Trending
மேலும் ஷுப்மன் கில், திலக் வர்மா போன்றோர் அணியில் இருந்தாலும், ரோஹித்துடன் இணைந்து யஷஸ்வி ஜெய்ஸ்வால் அணியின் இன்னிங்ûஸ தொடங்க வாய்ப்புள்ளது. சூர்யகுமார் யாதவ், ஹர்திக் பாண்டியா காயத்தால் விலகியிருக்கும் நிலையில், ரிங்கு சிங் மிடில் ஆர்டரில் நம்பிக்கை அளிக்கிறார். விக்கெட் கீப்பர் வாய்ப்புக்கு ஜிதேஷ் சர்மா, சஞ்சு சாம்சன் இருக்கின்றனர். ஷிவம் துபேவும் பிளேயிங் லெவனில் இடம் பிடிக்க வாய்ப்புள்ளது.
மறுபுறம், ஆஃப்கானிஸ்தான் அணியில் அதன் பிரதான சுழற்பந்துவீச்சாளர் ரஷீத் கான் காயம் காரணமாக தொடரில் விளையாடவில்லை. அணியில் முதலில் அவர் சேர்க்கப்பட்டாலும், அறுவைச் சிகிச்சை முடிந்து இன்னும் முழுமையாக குணமடையவில்லை என்பதால் அவர் களம் காணவில்லை. ஆனாலும், டி20 கிரிக்கெட்டில் ஆஃப்கானிஸ்தான் சற்று சவால் அளிக்கும் அணியாகவே இருந்து வருகிறது.
சமீபத்தில் ஒருநாள் உலகக் கோப்பை போட்டியில் பிரதான அணிகளிடமும் ஆஃப்கானிஸ்தான் பலம் காட்டியது நினைவுகூரத்தக்கது. இப்ராஹிம் ஸத்ரான், ஹஸ்ரதுல்லா ஸஸாய், நஜிபுல்லா ஜர்தான், ரஹ்மானுல்லா குர்பாஸ் ஆகியோர் பேட்டிங்கில் நம்பிக்கை அளிக்க, நவீன் உல் ஹக், குல்பதின் நயீப், ஃபஸல்ஹக் ஃபரூக்கி, முஜீப் உர் ரஹ்மான் உள்ளிட்டோர் பந்துவீச்சில் பலம் சேர்க்கின்றனர்.
உத்தேச லெவன்
இந்தியா: ரோஹித் சர்மா (கே), யஷஸ்வி ஜெய்ஸ்வால், திலக் வர்மா, சஞ்சு சாம்சன், ரிங்கு சிங், ஷிவம் தூபே/ஜிதேஷ் சர்மா, அக்ஸர் படேல், குல்தீப் யாதவ், அர்ஷ்தீப் சிங், முகேஷ் குமார், அவேஷ் கான்
ஆஃப்கானிஸ்தான்: இப்ராஹிம் ஸத்ரான் (கே), ரஹ்மானுல்லா குர்பாஸ், ஹஸ்ரத்துல்லா ஸஸாய், அஸ்மத்துல்லா உமர்சாய், நஜிபுல்லா ஜத்ரான், கரீம் ஜனத், முகமது நபி, குல்பாதின் நைப், நவீன்-உல்-ஹக், ஃபசல் ஹாக் ஃபரூக்கி, முஜீப் உர் ரஹ்மான்.
ஃபேண்டஸி லெவன் டிப்ஸ்
- விக்கெட் கீப்பர்: ரஹ்மானுல்லா குர்பாஸ், சஞ்சு சாம்சன்
- பேட்டர்ஸ்: ரோஹித் சர்மா (கேப்டன்), யஷஸ்வி ஜெய்ஸ்வால், இப்ராகிம் ஸத்ரான்
- ஆல்ரவுண்டர்கள்: முகமது நபி, அக்சர் படேல், அஸ்மத்துல்லா உமர்சாய் (துணை கேப்டன்), கரீம் ஜனத்
- பந்துவீச்சாளர்கள்: குல்தீப் யாதவ், அர்ஷ்தீப் சிங்
Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.
Win Big, Make Your Cricket Tales Now
