இந்தியா vs இங்கிலாந்து, மூன்றாவது டெஸ்ட் - போட்டி முன்னோட்டம் & ஃபேண்டஸி லெவன் டிப்ஸ்!

இந்தியா - இங்கிலாந்து அணிகளுக்கு இடையேயான மூன்றாவது டெஸ்ட் போட்டி நாளை ராஜ்கோட்டில் உள்ள சௌராஷ்டிரா கிரிக்கெட் சங்க மைதானத்தில் நடைபெறவுள்ளது.

இந்தியா vs இங்கிலாந்து, மூன்றாவது டெஸ்ட் - போட்டி முன்னோட்டம் & ஃபேண்டஸி லெவன் டிப்ஸ்! (Image Source: Cricketnmore)

பென் ஸ்டோக்ஸ் தலைமையிலான இங்கிலாந்து அணி இந்தியாவில் சுற்றுப்பயணம் மேற்கொண்டு விளையாடி வருகிறது. அதன்படி இவ்விரு அணிகளும் 5 போட்டிகள் கொண்ட டெஸ்ட் தொடரில் விளையாடுகிறது. இத்தொடரில் நடைபெற்று முடிந்துள்ள இரண்டு டெஸ்ட் போட்டிகளின் முடிவில் இரு அணிகளும் தலா ஒரு வெற்றியைப் பதிவுசெய்ததுடன், 1-1 என்ற கணக்கில் தொடரையும் சமன்செய்துள்ளன. இந்நிலையில் இரு அணிகளுக்கும் இடையேயான மூன்றாவது டெஸ்ட் போட்டி நாளை ராஜ்கோட் மைதானத்தில் நடைபெறவுள்ளது. ஏற்கெனவே இரு அணிகளும் வெற்றிபெற்றுள்ளதால், இப்போட்டியில் எந்த அணி வெற்றிபெற்று தொடரில் முன்னிலை பெறும் என்ற எதிர்பார்ப்புகள் அதிகரித்துள்ளன. 

இந்நிலையில் இப்போட்டியில் விளையாடும் இங்கிலாந்து அணியின் பிளேயிங் லெவன் இன்று அறிவிக்கப்பட்டுள்ளது. அதில் சுழற்பந்து வீச்சாளர் சோயப் பஷீருக்கு பதிலாக வேகப்பந்து வீச்சாளர் மார்க் வுட் மீண்டும் பிளெயிங் லெவனில் இடம்பிடித்துள்ளார். மேற்கொண்டு இங்கிலாந்து அணி எந்த மாற்றத்தையும் செய்யவில்லை. அதேசமயம் இந்திய அணியைப் பொறுத்தவரை கேஎல் ராகுல் காயம் காரணமாக விலகியுள்ளார். இதனால் அவருக்கு பதிலாக அறிமுக வீரர் சர்ஃப்ராஸ் கான் அணியில் சேர்க்கப்படுவார் என எதிர்பார்க்கப்படுகிறது. அதேபோல் விக்கெட் கீப்பராக துருவ் ஜுரெலும், நான்காம் இடத்தில் ராஜத் பட்டிதாரும் விளையாடுவார்கள் என்ற தகவலும் வெளியாகியுள்ளதால் அனுபவமில்லாத இந்திய அணி எப்படி இங்கிலாந்தை சமாளிக்கும் என்ற எதிர்பார்ப்பும் அதிகரித்துள்ளது.

போட்டி தகவல்கள்

• மோதும் அணிகள் - இந்தியா vs இங்கிலாந்து
• இடம் - சௌராஷ்டிரா கிரிக்கெட் சங்க மைதானம், ராஜ்கோட்
• நேரம் - காலை 9.30 மணி 

நேரலை 

இந்தியா - இங்கிலாந்து அணிகளுக்கு இடையேயான இத்தொடரை ஸ்போர்ட்ஸ் 18 தொலைக்காட்சியில் நேரலையில் பார்க்கலாம். அதேசயம் ஜியோ சினிமா ஓடிடி தளத்திலும் இத்தொடரை நேரலையில் ரசிகர்கள் கண்டு ரசிக்கலாம்.

பிட்ச் ரிப்போர்ட்

சௌராஷ்டிரா கிரிக்கெட் சங்க மைதானம் பேட்டர்களுக்கு சாதமான மைதானமாக பார்க்கப்படுகிறது. ஏனெனில் இங்குள்ள பிட்ச் முதல் இரண்டு நாள்களில் பேட்டர்களுக்கு பெரிதும் உதவும் வகையில் அமைந்துள்ளது. அதன்பின் ஆட்டம் செல்ல செல்ல மைதானத்தில் ஸ்விங் கிடைக்க வாய்ப்புள்ளது. இதனால் இங்கு டாஸ் வெல்லும் அணி கேப்டன் முதலில் பேட்டிங்கை தேர்வு செய்வதே வெற்றிக்கு வழிவகுக்கும் என எதிர்பார்க்கப்படுகிறது.

நேருக்கு நேர்

• மோதிய போட்டிகள் - 133
• இந்தியா - 33
• இங்கிலாந்து - 51
• முடிவில்லை - 50

உத்தேச லெவன்

இந்தியா: ரோஹித் சர்மா (கே), யஷஸ்வி ஜெய்ஸ்வால், ஷுப்மான் கில், ராஜத் பட்டிதார், சர்ஃப்ராஸ் கான், துருவ் ஜுரெல், ரவீந்திர ஜடேஜா, ரவிச்சந்திரன் அஸ்வின், குல்தீப் யாதவ், ஜஸ்பிரித் பும்ரா, முகமது சிராஜ்

இங்கிலாந்து: ஸாக் கிரௌலி, பென் டக்கெட், ஒல்லி போப், ஜோ ரூட், ஜானி பேர்ஸ்டோவ், பென் ஸ்டோக்ஸ் (கே), பென் ஃபோக்ஸ், ரெஹான் அஹ்மது, டாம் ஹார்ட்லி, மார்க் வூட், ஜேம்ஸ் ஆண்டர்சன்

ஃபேண்டஸி லெவன் டிப்ஸ்

• விக்கெட் கீப்பர்: ஜானி பேர்ஸ்டோவ்
• பேட்டர்ஸ்: பென் ஸ்டோக்ஸ், ஸாக் கிரௌலி (கேப்டன்), யஷஸ்வி ஜெய்ஸ்வால், ஷுப்மன் கில்
• ஆல்ரவுண்டர்கள்: ரவி அஸ்வின், ஜோ ரூட், ரவீந்திர ஜடேஜா (துணை கேப்டன்)
• பந்துவீச்சாளர்கள்: ஜஸ்பிரித் பும்ரா, டாம் ஹார்ட்லி, மார்க் வுட்

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now