IND vs NZ: கோலியின் சாதனையை காலி செய்த கப்தில்!

சர்வதேச டி20 கிரிக்கெட்டில் அதிக ரன்களைக் குவித்தவர் எனும் சாதனையை நியூசிலாந்தின் மார்ட்டின் கப்தில் படைத்துள்ளார்.

இந்தியாவில் சுற்றுப்பயணம் மேற்கொண்டுள்ள நியூசிலாந்து அணி 3 போட்டிகள் கொண்ட டி20 தொடரிலும், 2 போட்டிகள் கொண்ட டெஸ்ட் தொடரிலும் விளையாடி வருகிறது. 

இதில் முதல் டி20 போட்டியில் இந்திய அணி 5 விக்கெட் வித்தியாசத்தில் நியூசிலாந்தை வீழ்த்தி தொடரில் முன்னிலைப் பெற்றது. இதையடுத்து ராஞ்சியில் இன்று இரண்டாவது டி20 போட்டி நடைபெற்று வருகிறது. 

இதில் டாஸ் வென்ற இந்திய அணி முதலில் பந்துவீச தீர்மானித்தது. அதன்படி களமிறங்கிய நியூசிலாந்து அணிக்கு மார்ட்டின் கப்தில் - டேரில் மிட்செல் இணை அதிரடியான தொடக்கத்தைக் கொடுத்தது. இதில் 31 ரன்களை எடுத்த மார்ட்டின் கப்தில் தீபக் சஹார் பந்துவீச்சில் ஆட்டமிழந்தார். 

இப்போட்டியில் 11 ரன்களைக் கடந்த கப்தில் விராட் கோலியின் மிகப்பெரும் ஒரு சாதனையை முறியடித்தார். அச்சாதனையாதெனில் சர்வதேச டி20 கிரிக்கெட்டில் அதிக ரன்களைக் குவித்த பேட்ஸ்மேன் என்பது தான். 

இப்போட்டியலில் விராட் கோலி 3,227 ரன்களைச் சேர்த்து முதலிடத்தில் இருந்தார். அதனை தற்போது மார்ட்டின் கப்தில் 3,248 ரன்களைக் குவித்து, சர்வதேச டி20 கிரிக்கெட்டில் அதிக ரன்களை விளாசிய வீரர் எனும் சாதனையைப் படைத்துள்ளார். 

Win Big, Make Your Cricket Tales Now