IND vs WI: உலக்கோப்பை வென்ற இந்திய அண்டர் 19 வீரர்கள் கௌரவிப்பு!
வெஸ்ட் இண்டீஸுக்கு எதிரான 2ஆவது ஒருநாள் ஆட்டத்தின் நடுவே உலகக் கோப்பை வென்ற 19 வயதுக்குள்பட்டோருக்கான இந்திய வீரர்கள் கௌரவிக்கப்பட்டனர்.
தற்போது இந்திய அண்டர் 19 வீரர்கள், மைதானத்துக்கு வந்து ஒருநாள் ஆட்டத்தைப் பார்வையிட்டு வருகின்றனர். உடன் தலைமைப் பயிற்சியாளர் ரிஷிகேஷ் கனிட்கர் மற்றும் அணியின் உதவியாளர்களும் இருந்தனர்.
Trending
அணியுடன் வெஸ்ட் இண்டீஸ் பயணித்த தேசிய கிரிக்கெட் அகாடெமி தலைவர் விவிஎஸ் லக்ஷ்மனும் இருந்தார். இதுதவிர பிசிசிஐ செயலர் ஜெய் ஷா, பொருளாளர் அருண் துமல் மற்றும் மாநில கிரிக்கெட் சங்க அதிகாரிகள் இருந்தனர்.
இந்த நிலையில், உலகக் கோப்பை வென்றதைப் பாராட்டும் விதமாக இந்திய அண்டர் 19 வீரர்கள் மைதானத்தில் கௌரவிக்கப்பட்டனர். இந்திய கிரிக்கெட் வீரர்கள் பயோ பபுள் சூழலில் இருப்பதால், அண்டர் 19 வீரர்களை இவர்கள் சந்திக்கவில்லை.
Win Big, Make Your Cricket Tales Now
