டி20 உலகக்கோப்பை: அரைசதம் விளாசி ராகுல் சாதனை!

ஸ்காட்லாந்து அணிக்கெதிரான போட்டியில் இந்திய வீரர் கேஎல் ராகுல் 18 பந்துகளில் அரைசதம் விளாசி அசத்தினார்.

ஐக்கிய அரபு அமீரகத்தில் நடைபெற்றுவரும் டி20 உலகக்கோப்பை தொடர் இறுதிக்கட்டத்தை நெருங்கியுள்ளது. இதில் நேற்று நடைபெற்ற லீக் ஆட்டத்தில் இந்தியா - ஸ்காட்லாந்து அணிகள் மோதின.

இதில் இந்திய அணி ஸ்காட்லாந்தை 85 ரன்களில் சுருட்டியதுடன், 6.3 ஓவர்களிலேயே இலக்கை எட்டி அபார வெற்றியையும் பெற்றது.

இந்நிலையில் இந்த போட்டியின் மூலம் இந்திய அணியின் தொடக்க வீரர் ராகுல் டி20 உலக கோப்பையில் முக்கியமான சாதனை படைத்துள்ளார்.

அந்த சாதனை யாதெனில் இதுவரை உலக கோப்பை டி20 தொடரில் 12 பந்துகளில் யுவ்ராஜ் சிங் அடித்த அரைசதமே அதிவேக அரைசதமாக உள்ளது. இந்நிலையில் அதனை தொடர்ந்து தற்போது இந்திய அணி சார்பாக இரண்டாவது அதிவேக அரைசதத்தை கேஎல் ராகுல் அடித்து அசத்தியுள்ளார். 

நேற்றையை போட்டியில் வெறும் 18 பந்துகளை மட்டுமே எதிர்கொண்ட கேஎல் ராகுல் அரைசதம் கடந்து அணியின் வெற்றிக்கு மிகமுக்கிய காரணமாக அமைந்தார் என்பது குறிப்பிடத்தக்கது.

Win Big, Make Your Cricket Tales Now