IND vs NZ 1st T20I: உலகக்கோப்பை தோல்விக்கு பதிலடி கொடுக்குமா ரோஹித் - ராகுல் கூட்டணி!
இந்தியா - நியூஸிலாந்து அணிகள் இடையிலான முதல் டி 20 போட்டி ஜெய்ப்பூரில் இன்று இரவு 7 மணிக்கு நடைபெறுகிறது.
டி 20 உலகக் கோப்பை இறுதி போட்டி முடிவடைந்த இரு நாட்களில் நியூஸிலாந்து அணி, இந்திய தொடரை அணுகுவதால் கேப்டன் வில்லியம்சன் டி 20 தொடரில் கலந்து கொள்ளமாட்டார் என தெரிவிக்கப்பட்டுள்ளது. இதனால் டிம் சவுதி இன்றைய ஆட்டத்தில் அணியை வழிநடத்த உள்ளார்.
Trending
அதேவேளையில் இந்தத் தொடரில் இந்தியா டி 20 அணியின் புதிய கேப்டனான ரோஹித் சர்மா தலைமையில் களமிறங்குகிறது. மேலும் பயிற்சியாளராக ராகுல் திராவிட்டுக்கு இது முதல் தொடர் என்பதால் இந்த கூட்டணி மீது எதிர்பார்ப்பு உள்ளது. ஏனெனில் இந்த கூட்டணியே 2022ஆம் ஆண்டுஆஸ்திரேலியாவில் நடைபெற உள்ள டி 20 உலகக் கோப்பைக்கான அணியை கட்டமைக்க உள்ளது.
நியூஸிலாந்துக்கு எதிரான டி 20 தொடரில் விராட் கோலி, ஜஸ்பிரீத் பும்ரா, மொகமது ஷமி, ஜடேஜாவுக்கு ஓய்வு கொடுக்கப்பட்டுள்ளது. அதேவேளையில் ஐபிஎல் தொடரில் சிறப்பாக செயல்பட்ட வெங்கடேஷ் ஐயர், ருதுராஜ் கெய்க்வாட், ஹர்ஷால் படேல்,அவேஷ் கான் சேர்க்கப்பட்டுள்ளனர். இதில் மிதவேகப்பந்து வீச்சு ஆல்ரவுண்டரான வெங்கடேஷ் ஐயர், அணியில் இருந்து நீக்கப்பட்டுள்ள ஹர்திக் பாண்டியாவுக்கு மாற்றாக கருதப்படுகிறார். சுழற்பந்து வீச்சில் யுவேந்திர சாஹல்மீண்டும் அணிக்குள் கொண்டுவரப்பட்டுள்ளார்.
அணியில் தொடக்க வீரர்கள் மட்டும் 5 பேர் உள்ளனர். அனேகமாக இன்றைய ஆட்டத்தில் தொடக்க ஜோடியில் மாற்றம் இருக்க வாய்ப்பு உள்ளது. பந்துவீச்சில் புவனேஷ்வர் குமார் தனது திறனை நிரூபிக்க வேண்டிய கட்டாயத்தில் உள்ளார்.
அஸ்வின் தனது இடத்தை தக்க வைத்துக்கொள்வதில் முனைப்பு காட்டக்கூடும். டி 20 உலகக் கோப்பை தொடரில் நியூஸிலாந்திடம் அடைந்த தோல்வியின் காரணமாகவே இந்திய அணி அடுத்த சுற்றுக்கு முன்னேறும் வாய்ப்பை இழந்திருந்தது. இதற்கு இன்றைய ஆட்டத்தில் இந்திய அணி பதிலடி கொடுக்க முயற்சிக்கக்கூடும்.
உத்தேச அணிகள்
இந்தியா - ரோஹித் சர்மா (கே), கேஎல் ராகுல், ஷ்ரேயாஸ் ஐயர், சூர்யகுமார் யாதவ், ரிஷப் பந்த், வெங்கடேஷ் ஐயர், ரவிச்சந்திரன் அஷ்வின், ஹர்ஷல் படேல், புவனேஷ்வர் குமார், அவேஷ் கான், யுஸ்வேந்திர சாஹல்.
Also Read: T20 World Cup 2021
நியூசிலாந்து - மார்ட்டின் கப்தில், டேரில் மிட்செல், டாட் ஆஸ்டில், கிளென் பிலிப்ஸ், டிம் சைஃபர்ட், ஜிம்மி நீஷம், மிட்செல் சான்ட்னர், கைல் ஜேமிசன், இஷ் சோதி, டிம் சௌதி(கே), ஆடம் மில்னே.
Win Big, Make Your Cricket Tales Now
