டி20 உலகக்கோப்பை: இந்தியா vs பாகிஸ்தான் - உத்தேச லெவன் & ஃபேண்டஸி டிப்ஸ்!
டி20 உலகக்கோப்பை: இந்தியா - பாகிஸ்தான் அணிகள் மோதும் சுப்பர் 12 சுற்று ஆட்டம் இன்று மெல்போர்னில் நடைபெறுகிறது.
டி20 உலகக் கோப்பை கிரிக்கெட் போட்டி ஆஸ்திரேலியாவில் நடந்து வருகிறது. இந்த தொடரில் ரசிகர்கள் ஆவலுடன் எதிர்பார்த்துள்ள இந்தியா-பாகிஸ்தான் அணிகளுக்கு இடையேயான ஆட்டம் மெல்போர்னில் இன்று (அக்.23) நடைபெறுகிறது. இரு அணிகளுக்கும் இதுதான் இந்தத் தொடரின் முதல் போட்டி. இரு அணிகளும் உலகக் கோப்பை, ஆசியக் கோப்பை போட்டிகளில் மட்டுமே நேருக்கு நேர் விளையாடி வருகின்றன.
அதன் காரணமாக கிரிக்கெட் ரசிகர்கள் மத்தியில் இந்த இரு அணிகளுக்கும் இடையிலான போட்டிக்கு எப்போதுமே உச்சக்கட்ட எதிர்பார்ப்பு நிலவும். கடந்த ஆண்டு நடந்த டி20 உலகக் கோப்பை தொடர், சமீபத்தில் நடந்த ஆசிய கோப்பை தொடர் ஆகியவற்றில் ரோகித் சர்மா தலைமையிலான இந்திய அணி பாகிஸ்தானிடம் அடைந்த தோல்விக்கு பழிதீர்க்கும் முனைப்புடன் களமிறங்குகிறது.
Trending
நடப்பு உலகக்கோப்பை தொடருக்கு முன்பாக பலம் வாய்ந்த ஆஸ்திரேலியா, தென் ஆப்ரிக்கா அணிகளுக்கு எதிராக விளையாடிய தொடர்களை கைப்பற்றிய உத்வேகத்துடன் பாகிஸ்தானை எதிர்கொள்கிறது இந்திய அணி. பேட்டிங்கில் கேப்டன் ரோகித் சர்மா, கே.எல்.ராகுல், விராட்கோலி, சூர்யகுமார் யாதவ், ஹர்திக் பாண்டியா, ரிஷப் பண்ட், தினேஷ் கார்த்திக் என்று அதிரடி பேட்ஸ்மேன்களுக்கு பஞ்சமில்லை.
முன்னணி வீரர்கள் பும்ரா, ஜடேஜா, தீபக் சாஹர் காயம் காரணமாக விலகியது சற்று பின்னடைவை கொடுத்திருந்தாலும், பந்து வீச்சில் கடைசி நேரத்தில் சேர்க்கப்பட்ட முகமது ஷமி, புவனேஷ்வர் குமார், அர்ஷ்தீப் சிங் ஆகியோர் நல்ல நிலையில் உள்ளனர்.
அதே சமயம், பாபர் ஆசாம் தலைமையிலான பாகிஸ்தான் அணி சமீபத்தில் நியூஸிலாந்தில் நடைபெற்ற முத்தரப்பு டி 20 தொடரை வென்ற நிலையில் உலகக் கோப்பை தொடரை சந்திக்கிறது. பேட்டிங்கில் டாப் ஆர்டரில் மொகமது ரிஸ்வான், பாபர் அஸம் ஜோடி அணியின் அச்சாரமாக உள்ளது. அதிலும் இலக்கை துரத்தும் போது இந்த ஜோடி எதிரணியின் பந்து வீச்சை பலமுறை சிதைத்துள்ளது.
ஷான் மசூத், பஹர் ஸமான், ஹைதர் அலி, இஃப்திகார் அகமது, ஆசிஃப் அலி ஆகியோரை உள்ளடக்கிய நடுவரிசை பேட்டிங் சற்று அனுபவம் இல்லாதது மட்டுமே பின்னடைவாக கருதப்படுகிறது. இருப்பினும் சுழற்பந்து வீச்சாளர்களான ஷதப் கான், மொகமது நவாஸ் ஆகியோர் பின்கள பேட்டிங்கில் கைகொடுப்பது கூடுதல் பலம் சேர்ப்பதாக உள்ளது.
ஷாஹீன் ஷா அப்ரிடி அணிக்கு திரும்பி இருப்பது வேகப்பந்து வீச்சுதுறை மேலும் பலமாக்கி உள்ளது. கடந்த ஆண்டு உலகக் கோப்பையில் முதல் இரு ஓவர்களிலேயே இந்திய அணியை முடக்கிக் போட்டிருந்தார் ஷாஹீன் ஷா அப்ரிடி. இம்முறையும் அவரிடம் இருந்து அதே செயல்திறனை அணி நிர்வாகம் எதிர்பார்க்கிறது. ஷாஹீன் ஷா அப்ரிடியுடன் நசீம் ஷா, ஹரிஸ் ரஃவுப், மொகமது ஹஸ்னைன் ஆகியோரும் வேகப்பந்து வீச்சில் மிரட்டக்கூடியவர்கள். இவர்கள் இந்திய அணியின் பேட்டிங் வரிசைக்கு சவால் கொடுக்க ஆயத்தமாக உள்ளனர்.
இதற்கிடையே போட்டி நடைபெறும் மெல்பர்ன் நகரில் இன்று மழை பெய்ய 80 முதல் 90 சதவீத வாய்ப்பு உள்ளதாக வானிலை மையம் தெரிவித்துள்ளது. அதேபோல் 37 வருடம் 6 மாதங்களுக்குப் பிறகு இந்தியாவும், பாகிஸ்தானும் மெல்பர்ன் கிரிக்கெட் மைதானத்தில் நேருக்கு நேர் மோதுகின்றன. கடைசியாக கடந்த 1985ஆம் ஆண்டு நடைபெற்ற பென்சன் & ஹெட்ஜஸ் உலக சாம்பியன்ஷிப் இறுதிப்போட்டியில் இந்தியா - பாகிஸ்தான் அணிகள் மெல்பர்ன் மைதானத்தில் மோதியிருந்தன. இதில் இந்தியா வென்று பட்டம் வென்றிருந்தது. தற்போது அதே மைதானத்தில் இரு அணிகள் மோதவுள்ளன.
உத்தேச லெவன்
இந்தியா - ரோஹித் சர்மா (கே), கேஎல் ராகுல், விராட் கோலி, சூர்யகுமார் யாதவ், ஹர்திக் பாண்டியா, தினேஷ் கார்த்திக், அக்சர் படேல், ரவி அஷ்வின்/யுஸ்வேந்திர சாஹல், ஹர்ஷல் படேல், அர்ஷ்தீப் சிங், புவனேஷ்வர் குமார்.
பாகிஸ்தான் – பாபர் அசாம் (கே), முகமது ரிஸ்வான், ஷதாப் கான், இப்திகார் அகமது, குஷ்தில் ஷா, ஆசிப் அலி, முகமது நவாஸ், முகமது வாசிம், நசீம் ஷா, ஹாரிஸ் ரவுப், ஷஹீன் ஷா அஃப்ரிடி.
ஃபேண்டஸி லெவன் டிப்ஸ்
- விக்கெட் கீப்பர் - முகமது ரிஸ்வான்
- பேட்டர்ஸ் – சூர்யகுமார் யாதவ், பாபர் அசாம், கேஎல் ராகுல், விராட் கோலி
- ஆல்-ரவுண்டர் - ஹர்திக் பாண்டியா, முகமது நவாஸ், ஷதாப் கான்
- பந்துவீச்சு - ஷஹீன் ஷா அஃப்ரிடி, அர்ஷ்தீப் சிங், புவனேஷ்வர் குமார்
Win Big, Make Your Cricket Tales Now
