IND vs SA, 2nd T20I: போட்டி முன்னோட்டம் & ஃபேண்டஸி லெவன்!

இந்தியா - தென் ஆப்பிரிக்க அணிகளுக்கு இடையேயான இரண்டாவது டி20 போட்டி கட்டாக் மைதானத்தில் இன்று நடைபெறுகிறது.

தென் ஆப்பிரிக்காவுக்கு எதிராக இந்தியா தனது சொந்த மண்ணில் பங்கேற்கும் 5 போட்டிகள் கொண்ட டி20 தொடர் அனல் பறக்கும் ஆரம்பத்தை பெற்றுள்ளது. ஏனெனில் ஜூன் 9இல் டெல்லியில் நடைபெற்ற முதல் போட்டியில் பேட்டிங்கில் மிரட்டலாக செயல்பட்ட இந்தியா 212 ரன்களை இலக்காக நிர்ணயித்த போதிலும் அதை சேசிங்கில் சொல்லி அடித்த தென்னாப்பிரிக்கா 7 விக்கெட் வித்தியாசத்தில் வெற்றி பெற்று இந்தியாவுக்கு தோல்வியை பரிசளித்தது. அதனால் 1 – 0* என்ற கணக்கில் ஆரம்பத்திலேயே முன்னிலை பெற்றுள்ள அந்த அணி சொந்த மண்ணாக இருந்தாலும் பொறுப்புடன் மிகச் சிறப்பாகச் செயல்பட்டால்தான் எங்களை வீழ்த்த முடியும் என்று இந்தியாவிற்கு சவாலை காட்டியுள்ளது.

இதை தொடர்ந்து இத்தொடரின் 2ஆவது போட்டி ஜூன் இன்ரு இரவு 7 மணிக்கு ஒடிசா மாநிலம் கட்டாக் நகரில் நடைபெறுகிறது. அதற்காக இரு அணி வீரர்களும் அங்கு சென்றடைந்து தீவிர பயிற்சியில் ஈடுபட்டு வருகின்றனர். அந்த போட்டியில் எப்படியாவது வெற்றி பெற்று தென் ஆப்பிரிக்காவுக்கு தக்க பதிலடி கொடுத்து தொடரை சமன் செய்வதற்கு இந்தியா போராட உள்ளது.

போட்டி தகவல்கள்

• மோதும் அணிகள் - இந்தியா vs தென் ஆப்பிரிக்க
• இடம் - கட்டாக், ஒடிசா
• நேரம் - இரவு 7 மணி

போட்டி முன்னோட்டம்

இந்த தொடரில் கேப்டன் ரோஹித் சர்மா இல்லாத நிலைமையில் பொறுப்புடன் செயல்பட வேண்டிய தற்காலிக கேப்டன் ரிஷப் பண்ட் முதல் போட்டியில் பந்துவீச்சாளர்களை பயன்படுத்திய விதத்தில் சுமாராக கேப்டன்ஷிப் செய்து விமர்சனத்திற்கு உள்ளானார். எனவே அந்த தோல்வியால் கற்ற பாடத்தை 2-வது போட்டியில் பயன்படுத்த வேண்டிய அவர் இந்தியாவை சிறப்பாக வழிநடத்தி பேட்டிங்கிலும் அதிரடியாக ரன்களை சேர்த்து வெற்றியைப் பெற்ற தருவாரா என்ற எதிர்பார்ப்பு ரசிகர்களிடம் ஏற்பட்டுள்ளது. அதேபோல் முதல் போட்டியில் பேட்டிங்கில் எந்த குறையும் இல்லை என்ற நிலையில் பந்துவீச்சு தான் மொத்தமும் சொதப்பலாக அமைந்தது.

இத்தனைக்கும் ஹர்ஷல் படேல், புவனேஸ்வர், சஹால் என சமீபத்தைய ஐபிஎல் தொடரில் அசத்திய சீனியர் பவுலர்கள் நல்ல பார்மில் இருக்கும் போதிலும் முதல் போட்டியில் முதல் 10 ஓவர்களில் சிறப்பாக செயல்பட்ட போதிலும் கடைசி 10 ஓவரில் ரன்களை வாரி வழங்கி தோல்வியை பரிசளித்தனர். எனவே முதல் போட்டியில் மொத்தமாக சேர்ந்து சொதப்பிய அவர்கள் 2-வது போட்டியில் ஒன்று சேர்ந்து சிறப்பாக செயல்பட்டால் மட்டுமே இந்தியா வெற்றி பெற முடியும் என்பதை உணர்ந்து பொறுப்புடன் பந்து வீச வேண்டிய நிலைமை ஏற்பட்டுள்ளது.

அதேபோல் டெம்பா பவுமா தலைமையிலான தென் ஆப்பிரிக்க அணி முதல் ஒருநாள் போட்டியில் அபார வெற்றியைப் பதிசெய்து அசத்தியது. அதிலும் 212 என்ற இமாலய இலக்கை எளிதாக எட்டி சாதனையையும் படைத்தது. 

அதிலும் டேவிட் மில்லர், வாண்டர் டுசென் இணை அபார ஆட்டத்தை வெளிப்படுத்தி உச்சகட்ட ஃபார்மில் உள்ளனர். அவர்களும் டி காக், ப்ரிட்டோரியர்ஸும் ஃபார்ம்முக்கு திரும்பினால் நிச்சயம் இந்திய அணிக்கு நிச்சயம் தலைவலியாக இருக்கும் என்பதில் சந்தேகமில்லை.

நேருக்கு நேர்

• மோதிய போட்டிகள் - 16
• இந்தியா வெற்றி - 9
• தென் ஆப்பிரிக்க வெற்றி - 7

உத்தேச அணி 

இந்தியா - இஷான் கிஷன், ருதுராஜ் கெய்க்வாட், ஸ்ரேயாஸ் ஐயர், ரிஷப் பண்ட் (கே), ஹர்திக் பாண்டியா, தினேஷ் கார்த்திக், அக்சர் படேல், ஹர்ஷல் படேல், புவனேஷ்வர் குமார், யுஸ்வேந்திர சாஹல், அவேஷ் கான்

தென் ஆப்பிரிக்கா - குயின்டன் டி காக், டெம்பா பவுமா (கே), டுவைன் பிரிட்டோரியஸ், ரஸ்ஸி வான் டெர் டுசென், டேவிட் மில்லர், டிரிஸ்டன் ஸ்டப்ஸ், வெய்ன் பார்னெல், ககிசோ ரபாடா, அன்ரிச் நார்ட்ஜே, லுங்கி என்கிடி, தப்ரைஸ் ஷம்சி.

ஃபேண்டஸி லெவன்

• கீப்பர்கள் - குயின்டன் டி காக் , ரிஷப் பந்த்
• பேட்ஸ்மேன்கள் – ருதுராஜ் கெய்க்வாட், இஷான் கிஷன், ஸ்ரேயாஸ் ஐயர், டேவிட் மில்லர்
• ஆல்-ரவுண்டர்கள் - ஹர்திக் பாண்டியா, டுவைன் பிரிட்டோரியஸ்
• பந்துவீச்சாளர்கள் - ககிசோ ரபாடா, அன்ரிச் நார்ட்ஜே, ஹர்ஷல் படேல்.

Win Big, Make Your Cricket Tales Now