இந்தியா vs தென் ஆப்பிரிக்கா, சூப்பர் 12 - உத்தேச லெவன் & ஃபேண்டஸி லெவன் டிப்ஸ்!
இந்தியா, தென் ஆப்பிரிக்கா இடையிலான இப்போட்டி மிகுந்த முக்கியத்துவம் வாய்ந்ததாக பார்க்கப்படுகிறது. ஏனெனில், இப்போட்டியில் கிடைக்கப் போகும் வெற்றி, தோல்விதான் மூன்று அணிகளின் அரையிறுதி வாய்ப்பை கிட்டதிட்ட உறுதி செய்யும்.
இந்தியா, தென் ஆப்பிரிக்கா இடையிலான இப்போட்டி மிகுந்த முக்கியத்துவம் வாய்ந்ததாக பார்க்கப்படுகிறது. ஏனெனில், இப்போட்டியில் கிடைக்கப் போகும் வெற்றி, தோல்விதான் மூன்று அணிகளின் அரையிறுதி வாய்ப்பை கிட்டதிட்ட உறுதி செய்யும்.
Trending
இப்போட்டியில் தென் ஆப்பிரிக்க அணி வெற்றிபெறும் பட்சத்தில், அந்த அணிக்கான அரையிறுதி வாய்ப்பு, இந்திய அணியைவிட ஒருபடி மேலே இருக்கும். மேலும், பாகிஸ்தான் அணியும், தனது அரையிறுதி வாய்ப்பை தக்கவைத்துக்கொள்ளும். அடுத்து, தென் ஆப்பிரிக்காவுக்கு எதிராக பாகிஸ்தான் வென்று, அந்த அணி நெதர்லாந்து, வங்கதேசத்தையும் வீழ்த்தினால், பாகிஸ்தான் அரையிறுதிக்கு முன்னேறிவிடும்.
இன்றைய போட்டியில் இந்திய அணி வெற்றிபெறும் பட்சத்தில் பாகிஸ்தான் அணியின் அரையிறுதி வாய்ப்பு கிட்டதட்ட முடிவுக்கு வந்துவிடும். இந்தியா, தென் ஆப்பிரிக்க அணிகள்தான் குரூப் பி பிரிவிலிருந்து அரையிறுதிக்கு செல்லும் நிலை ஏற்படும். இதனால், இன்றைய போட்டியில் இந்திய அணியை, பாகிஸ்தான் ரசிகர்கள் ஆதரிக்க வேண்டிய கட்டாயத்தில் இருக்கிறார்கள்.
இந்திய அணியில் பேட்டிங் வரிசை மிகச்சிறப்பாக இருக்கிறது. போட்டி நடைபெறும் பெர்த் மைதானத்தில் வேகப்பந்து வீச்சாளர்கள்தான் பெரிய தாக்கத்தை ஏற்படுத்துவார்கள் என்பதால், இந்திய வேகப்பந்து வீச்சாளர்கள் செயல்படும் விதத்தில்தான், இந்திய அணியின் வெற்றி, தோல்வி இருக்கும் எனக் கருதப்படுகிறது. அர்ஷ்தீப் சிங் தொடர்ந்து மிரட்டலாக செயல்பட்டு வருகிறார்.
இருப்பினும் முகமது ஷமி, புவனேஷ்வர் குமார், ஹார்திக் பாண்டியா ஆகியோர் வேகத்திற்கு சாதகமான மைதானங்களில் அதிக ரன்களை விட்டுக்கொடுப்பது கவலைக்குரிய விஷயமாக பார்க்கப்படுகிறது. இதனை அவர்கள் சரி செய்தே ஆக வேண்டும்.
தென் ஆப்பிரிக்க அணியில் பேட்டர்கள், பௌலர்கள் அனைவரும் சிறந்த பார்மில் இருக்கிறார்கள். இந்திய அணியைப் போல பலமிக்க மிடில் வரிசை அந்த அணியிலும் இருக்கிறது. எய்டன் மார்க்கரம், ரூசோவ், மில்லர் ஆகிய பவர் ஹிட்டர்கள் அந்த அணியின் பலம்.
அதேபோல் நோர்ட்ஜே, நிகிடி, ரபடா, யான்சன் போன்றவர்கள் தொடர்ந்து 140+ வேகத்தில் பந்துவீச கூடியவர்கள் என்பதால், நாளைய போட்டியில் இந்திய பேட்டர்களுக்கும், தென் ஆப்பிரிக்க பந்துவீச்சாளர்கலூக்கும் இடையில் பெரும் யுத்தம் நடைபெறும் என எதிர்பார்க்கப்படுகிறது.
உத்தேச லெவன்
இந்தியா – கே.எல்.ராகுல், ரோஹித் சர்மா(கே), விராட் கோலி, சூர்யகுமார் யாதவ், ஹர்திக் பாண்டியா, தினேஷ் கார்த்திக், அக்சர் படேல், ரவிச்சந்திரன் அஸ்வின், புவனேஷ்வர் குமார், முகமது ஷமி, அர்ஷ்தீப் சிங்.
தென் ஆப்பிரிக்கா - குயின்டன் டி காக், டெம்பா பவுமா(கே), ரிலீ ரோசோவ், ஐடன் மார்க்ரம், டேவிட் மில்லர், டிரிஸ்டன் ஸ்டப்ஸ், வெய்ன் பார்னெல், கேசவ் மகராஜ், ககிசோ ரபாடா, அன்ரிச் நோர்ட்ஜே, தப்ரைஸ் ஷம்சி.
ஃபேண்டஸி லெவன் டிப்ஸ்
- விக்கெட் கீப்பர் - குயின்டன் டி காக்
- பேட்டர்ஸ் - விராட் கோலி, ரிலீ ரோசோவ், சூர்யகுமார் யாதவ், டேவிட் மில்லர்
- ஆல்-ரவுண்டர்கள் - ஹர்திக் பாண்டியா, அக்சர் படேல், வெய்ன் பார்னெல்
- பந்துவீச்சாளர்கள் - அன்ரிச் நார்ட்ஜே, அர்ஷ்தீப் சிங், தப்ரைஸ் ஷம்சி
Win Big, Make Your Cricket Tales Now
