டி20 பயிற்சி ஆட்டம்: ஹூடா, சூர்யகுமார் அதிரடி; இந்தியா அசத்தல் வெற்றி!
டெர்பிஷையர் அணிக்கெதிரான பயிற்சி ஆட்டத்தில் இந்திய அணி 7 விக்கெட் வித்தியாசத்தில் வெற்றிபெற்று அசத்தியது.
இந்நிலையில், தினேஷ் கார்த்திக் தலைமையிலான இந்திய அணி இங்கிலாந்து கவுண்டி அணியுடன் இரண்டு பயிற்சி டி20 போட்டிகளில் விளையாடிவருகிறது. அதன்படி நேற்று நடைபெற்ற டெர்பிஷையர் அணியுடனான முதல் பயிற்சி போட்டியில் டாஸ் வென்ற இந்திய அணி பந்துவீச்சை தேர்வு செய்தது.
Trending
அதன்படி முதலில் பேட்டிங் செய்த டெர்பிஷையர் அணியின் தொடக்க வீரர் ரீஸ் ஒரு ரன்னிலும், கேப்டன் மசூத் 8 ரன்னிலும் விக்கெட்டை இழந்தனர். அதன்பின் வந்த மேட்சன் 28, லுஸ் 9, கேட்ரைட் 27, ப்ரூக் கெஸ்ட் 23, அலெக்ஸ் ஹூக்ஸ் 24 என அடுத்தடுத்து விக்கெட்டுகளை இழந்தனர்.
இதனால் 20 ஓவர்கள் முடிவில் டெர்பிஷையர் அணி 8 விக்கெட் இழப்பிற்கு 150 ரன்களைச் சேர்த்தது. இந்திய அணி தரப்பில் அர்ஷ்தீப் சிங், உம்ரான் மாலிக் ஆகியோர் தலா 2 விக்கெட்டுகளைக் கைப்பற்றினர்.
இதையடுத்து இலக்கை துரத்திய இந்திய அணியில் வழக்கம் போல் ருதுராஜ் கெய்க்வாட் 3 ரன்களில் ஆட்டமிழந்து ஏமாற்றமளித்தார். பின்னர் ஜோடி சேர்ந்த சஞ்சு சாம்சன் - தீபக் ஹூடா இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர்.
இதில் சஞ்சு சாம்சன் 38 ரன்களில் விக்கெட்டை இழக்க, மறுமுனையில் சிறப்பான ஆட்டத்தை வெளிப்படுத்திய தீபக் ஹூடா அரைசதம் கடந்தார். அவருக்கு துணையாக விளையாடிய சூர்யகுமார் யாதவும் அதிரடி ஆட்டத்தை வெளிப்படுத்தி அசத்தினார்.
இதன்மூலம் இந்திய அணி 16.4 ஓவர்களில் இந்திய அணி இலக்கை எட்டியதுடன், 7 விக்கெட் வித்தியாசத்தில் டெர்பிஷையர் அணியை வீழ்த்தி அபார வெற்றிபெற்றது.
Win Big, Make Your Cricket Tales Now
