டெஸ்ட் தரவரிசை: யஷஸ்வி, ரிஷப் முன்னேற்றம்; கோலி, ரோஹித் பின்னடைவு!
சர்வதேச டெஸ்ட் கிரிக்கெட் வீரர்களுக்கான தரவரிசைப் பட்டியலில் இந்திய வீரர்கள் யஷஸ்வி ஜெய்ஸ்வால், ரிஷப் பந்த் மற்றும் ஷுப்மன் கில் ஆகியோர் முன்னேற்றம் கண்டுள்ளனர்.
இதனையடுத்து, இவ்விரு அணிகளுக்கும் இடையேயான இரண்டாவது மற்றும் கடைசி டெஸ்ட் போட்டியானது கான்பூரில் உள்ள க்ரீன் பார்க் மைதானத்தில் எதிவரும் நாளை மறுநாள் நடைபெறவுள்ளது. இப்போட்டிக்காக இரு அணி வீரர்களும் தீவிரமாக தயாராகி வருகின்றனர். இந்நிலையில் சர்வதேச கிரிக்கெட் கவுன்சிலானது டெஸ்ட் கிரிக்கெட் வீரர்களுக்கான தரவரிசைப் பட்டியலை இன்று வெளியிட்டுள்ளது.
Trending
அதன்படி வங்கதேச டெஸ்ட் தொடரில் சிறப்பான ஆட்டத்தை வெளிப்படுத்திய யஷஸ்வி ஜெய்ஸ்வால் ஒரு இடம் முன்னேறி 5ஆம் இடத்திற்கும், சதமடித்து அசத்திய ரிஷப் பந்த் 6ஆம் இடத்தையும் பிடித்து அசத்தியுள்ளனர். அதேசமயம் வங்கதேச டெஸ்ட் தொடரில் சோபிக்க தவறிய இந்திய அணி கேப்டன் ரோஹித் சர்மா 5 இடங்கள் சரிந்து 10ஆம் இடத்திற்கும், விராட் கோலி 5 இடங்கள் சரிந்து 12ஆவது இடத்திற்கும் தள்ளப்பட்டுள்ளனர்.
இதுதவிர இப்போட்டியில் சதமடித்த ஷுப்மன் கில் 5 இடங்கள் முன்னேறி 14ஆம் இடத்தையும் பிடித்துள்ளனர். மேற்கொண்டு சர்வதேச டெஸ்ட் போட்டிக்கான பந்துவீச்சாளர்கள் தரவரிசைப் பட்டியலில் இந்திய வீரர்கள் ரவிச்சந்திரன் அஸ்வின் தொடர்ந்து முதலிடத்திலும், ஜஸ்பிரித் பும்ரா இரண்டாம் இடத்தையும் பிடித்துள்ள நிலையில், ரவீந்திர ஜடேஜா ஒரு இடம் முன்னேறி 06ஆம் இடத்திற்கு முன்னேறி அசத்தியுள்ளார்.
Also Read: Funding To Save Test Cricket
மேற்கொண்டு டெஸ்ட் ஆல் ரவுண்டர்களுக்கான தரவரிசைப் பட்டியலில் இந்திய வீரர்கள் ரவீந்திர ஜடேஜா தொடர்ந்து முதலிடத்திலும், ரவிச்சந்திரன் அஸ்வின் இரண்டாம் இடத்திலும் தொடர்ந்து நீடித்து வருகின்றனர். மேற்கொண்டு வங்கதேச அணியின் நட்சத்திர வீரர் ஷாகிப் அல் ஹசன் தனது மூன்றாம் இடத்தை தக்கவைத்துள்ள நிலையில், இந்திய அணியின் ஆல் ரவுண்டர் அக்ஸர் படேல் 6ஆம் இடத்தில் நீடித்து வருகிறார்.
Win Big, Make Your Cricket Tales Now
