ஐபிஎல் 2021: ஆர்சிபியை பந்தாடியது கேகேஆர்!

பெங்களூரு அணிக்கெதிரான ஐபிஎல் லீக் ஆட்டத்தில் கொல்கத்தா நைட் ரைடர்ஸ் அணி 9 விக்கெட் வித்தியாசத்தில் வெற்றிபெற்று அசத்தியது.

IPL 2021: Kolkata Knight Riders won by 9 wkts (Image Source: Google)

ஐபிஎல் தொடரில் இன்று நடைபெற்ற 31ஆவது லீக் ஆட்டத்தில் ராயல் சேலஞ்சர்ஸ் பெங்களூரு அணி, கொல்கத்தா நைட் ரைடர்ஸ் அணியுடன் பலப்பரீட்சை நத்தியது. 

இதில் டாஸ் வென்று முதலில் பேட்டிங்கைத் தேர்வு செய்த ஆர்சிபி அணி படுமோசனமான ஆட்டத்தை வெளிப்படுத்தியது. அதிலும் நட்சத்திர வீரர்களான விராட் கோலி, டி வில்லியர்ஸ், மேக்ஸ்வெல் ஆகியோர் சொற்ப ரன்களில் ஆட்டமிழந்து ஏமாற்றினர். 

இதனால் 19 ஓவர்கள் முடிவிலேயே அந்த அணி அனைத்து விக்கெட்டுகளையும் இழந்து 92 ரன்களை மட்டுமே எடுத்தது. கேகேஆர் அணி தரப்பில் வருண் சக்ரவத்தி, ஆண்ட்ரே ரஸ்ஸல் தலா 3 விக்கெட்டுகளை வீழ்த்தினர். 

அதன்பின் எளிய இலக்கைத் துரத்திய கேகேஆர் அணிக்கு சுப்மன் கில் - வெங்கடேஷ் ஐயர் இணை அதிரடியான தொடக்கத்தைக் கொடுத்தது. 

தொடர்ந்து அதிரடி ஆட்டத்தில் மிரட்டி வந்த சுப்மன் கில் அரைசதம் அடிப்பார் என்று எதிர்பார்க்கப்பட்ட நிலையில் 48 ரன்னில் ஆட்டமிழந்து நூழிலையில் அரைசதத்தை தவறவிட்டார். 

இருப்பினும் கேகேஆர்  அணி 10 ஓவர்களிலேயே இலக்கை எட்டி, 9 விக்கெட் வித்தியாசத்தில் ஆர்சிபி அணியை வீழ்த்தியது. இந்த வெற்றியின் மூலம் கேகேஆர் அணி 6 புள்ளிகளைப் பெற்று புள்ளிப்பட்டியலின் 5ஆம் இடத்திற்கு முன்னேறியது.

Win Big, Make Your Cricket Tales Now