மைக் ஹஸ்ஸிக்கு மீண்டும் தொற்று உறுதி!
சென்னை சூப்பர் கிங்ஸ் அணியின் பேட்டிங் பயிற்சியாளர் மைக் ஹஸ்ஸிக்கு இன்று மேற்கொள்ளப்பட்ட கரோனா பரிசோதனையில் மீண்டும் தொற்று உறுதி செய்யப்பட்டுள்ளது.
பயோ பபுளில் இருந்த வீரர்களுக்கு கரோனா தொற்று உறுதி செய்யப்பட்டதை தொடர்ந்து, ஐபிஎல் தொடரின் 14ஆவது சீசன் காலவரையின்றி ஒத்திவைக்கப்படுவதாக பிசிசிஐ அறிவித்தது.
Trending
இதில் சென்னை சூப்பர் கிங்ஸ் அணியை சேர்ந்த மைக் ஹஸ்ஸி, எல்.பாலாஜி, கேகேஆர் அணியை சேர்ந்த பிரசித் கிருஷ்ணா, டெல்லி அணியை சேர்ந்த அமித் மிஸ்ரா ஆகியோருக்கு கரோனா தொற்று உறுதிசெய்யப்பட்டது.
இதையடுத்து, மைக் ஹஸ்ஸி மற்றும் எல்.பாலாஜி இருவரும் தனி விமானம் மூலம் சென்னை வந்து, அங்குள்ள மருத்துவமனையில் சிகிச்சை பெற்று வருகின்றனர்.
இந்த நிலையில், மருத்துவமனையில் சிகிச்சை பெற்று வரும் ஹஸ்ஸிக்கு 2வது முறையாக மேற்கொள்ளப்பட்ட கண்டறிதல் பரிசோதனையில் தொற்று பாதிப்பு இல்லை என்பது உறுதி செய்யப்பட்டது.
ஆனால், மூன்றாவது முறையாக மேற்கொள்ளப்பட்ட பரிசோதனையில் மீண்டும் தொற்று பாதிப்பு இருப்பது உறுதி செய்யப்பட்டுள்ளது. இதையடுத்து அவருக்கு மீண்டும் கரோனா பரிசோதனை நடத்தப்படவுள்ளது.
Win Big, Make Your Cricket Tales Now
