ஐபிஎல் 2021: யஷஸ்வி, லமோர் அதிரடியில் கடின இலக்கை நிர்ணயித்த ராஜஸ்தான்!

பஞ்சாப் கிங்ஸ் அணிக்கெதிரான போட்டியில் முதலில் பேட்டிங் செய்த ராஜஸ்தான் ராயல்ஸ் அணி186 ரன்களை இலக்காக நிர்ணயித்துள்ளது.

ஐபிஎல் தொடரின் இன்று நடைபெற்று வரும் 32ஆவது லீக் ஆட்டத்தில், ராஜஸ்தான் ராயல்ஸ் - பஞ்சாப் கிங்ஸ் அணிகள் விளையாடி வருகின்றன. இதில் டாஸ் வென்ற பஞ்சாப் அணி முதலில் பந்துவீச தீர்மானித்தது.

அதன்படி களமிறங்கிய ராஜஸ்தான் ராயல்ஸ் அணிக்கு தொடக்க வீரர்கள் எவின் லூயீஸ் - யஷஸ்வி ஜெய்ஸ்வால் இணை அதிரடியான தொடக்கத்தைக் கொடுத்தது. இதில் எவின் லூயீஸ் 36 ரன்களில் ஆட்டமிழக்க, அடுத்து வந்த சாம்சன் 4 ரன்களில் விக்கெட்டை இழந்தார். 

பின் அரைசதமடிப்பார் என எதிர்பார்க்கப்பட்ட யஷஸ்வி ஜெய்ஸ்வால் 49 ரன்களிலும், லியாம் லிவிங்ஸ்டோன் 25 ரன்களிலும் ஆட்டமிழந்தனர். பின்னர் களமிறங்கிய லமோர் அதிரடியாக விளையாடி 4 சிக்சர், 2 பவுண்டரி என 43 ரன்களைச் சேர்த்தார். 

ஆனல் அதைத்தொடர்ந்து வந்த வீரர்கள் அடுத்தடுத்து சொற்ப ரன்களில் ஆட்டமிழந்து ஏமாற்றமளித்தனர். இதனால் 20 ஓவர்கள் முடிவில் ராஜஸ்தான் ராயல்ஸ் அணி அனைத்து விக்கெட்டுகளையும் இழந்து 186 ரன்களை எடுத்தது. 

பஞ்சாப் கிங்ஸ் அணி தரப்பில் அர்ஷ்தீப் சிங் 5 விக்கெட்டுகளையும், முகமது ஷமி 3 விக்கெட்டுகளையும் கைப்பற்றி அசத்தினர்.