ஐபிஎல் 2022: ஹர்திக் அரைசதம்; ஹைதராபாத்திற்கு 163 டார்கெட்!
ஐபிஎல் 2022: சன்ரைசர்ஸ் ஹைதராபாத்திற்கு எதிரான லீக் ஆட்டத்தில் முதலில் பேட்டிங் செய்த குஜராத் டைட்டன்ஸ் அணி 163 ரன்களை இலக்காக நிர்ணயித்துள்ளது.
இப்போட்டியில் டாஸ் வென்ற ஹைதராபாத் அணி முதலில் பந்துவீச தீர்மானித்தது. அதன்படி போட்டியின் முதல் ஓவரை வீசிய புவனேஷ்வர் குமார் 17 ரன்கள் விட்டுக்கொடுத்தார்.
Trending
ஆனால் தனது இரண்டாவது ஓவரை வீசிய புவனேஷ்வர், அதிரடியாக விளையாட தொடங்கிய சுப்மன் கில்லை 7 ரன்களுக்கு வெளியேற்றி அசத்தினார். அவரைத் தொடர்ந்து வந்த சாய் சுதர்ஷன் 11 ரன்கள் சேர்த்த நிலையில் நடராஜன் பந்துவீச்சில் ஆட்டமிழந்தார்.
பின்னர் ஜோடி சேர்ந்த கேப்டன் ஹர்திக் பாண்டியா - மேத்யூ வேட் இணை பொறுப்பான ஆட்டத்தை வெளிப்படுத்தி சிறுக சிறுக ஸ்கோரை உயர்த்தியது. அதன்பின் 19 ரன்களில் மேத்யூ வேட் ஆட்டமிழக்க, 12 ரன்களில் டேவிட் மில்லரும் விக்கெட்டை இழந்தார்.
அதனைத் தொடர்ந்து களமிறங்கிய அபிநவ் மனோகார் அதிரடியாக விளையாடி மளமளவென் ஸ்கோரை உயர்த்தினார். பின் 35 ரன்கள் சேர்த்திருந்த அபிநவ் மனோகர் ஆட்டமிழந்தார்.
மறுமுனையில் அபார ஆட்டத்தை வெளிப்படுத்திய ஹர்திக் பாண்டியா அரைசதம் விளாசினார். இதன்மூலம் 20 ஓவர்கள் முடிவில் குஜராத் டைட்டன்ஸ் அணி 7 விக்கெட்டுகளை இழந்து 162 ரன்களைச் சேர்த்தது.
ஹைதராபாத் அணி தரப்பில் புவனேஷ்வர் குமார், நடராஜன் தலா 2 விக்கெட்டுகளைக் கைப்பற்றினர்.
Win Big, Make Your Cricket Tales Now
