ஐபிஎல் 2022: சிஎஸ்கேவில் இணைந்தார் மொயீன் அலி!

சென்னை சூப்பர் கிங்ஸ் அணியின் நட்சத்திர வீரார் மொயீன் அலி, தனது தனிமைப்படுத்துதல் காலத்தை முடித்து அணியுடன் இணைந்துள்ளார்.

IPL 2022: Moeen Ali Out Of Quarantine, To Join CSK Playing XI vs LSG (Image Source: Google)

ஐபிஎல் 15ஆவது சீசனில் நடப்பு சாம்பியனான சென்னை சூப்பர் கிங்ஸ் அணி முதல் போட்டியிலேயே தோல்வியை தழுவியது.

இந்தப் போட்டியில் சிஎஸ்கே அணியின் அனுபவ வீரர்களான மொயின் அலி மற்றும் தீபக் சாஹர் இல்லை. இதனால் அணியின் காம்பினேஷன் இல் சிக்கல் ஏற்பட்டது.

மொயின் அலிக்கு பதிலாக மிட்செல் சாண்டனும், தீபக் சாஹர் பதிலாக துஸ்பாண்டேவும் அணியில் சேர்க்கப்பட்டனர்.

இந்த நிலையில், விசா கிடைக்க தாமதமானதால் மொயின் அலியால் முதல் போட்டியில் பங்கேற்க முடியவில்லை. தற்போது மும்பை வந்த மொயின் அலி 3 நாள் தனிமைப்படுத்துதலில் இருந்து சிஎஸ்கே அணிக்கு திரும்பினார். 

சிஎஸ்கே அணியின் ஆலோசனை கூட்டத்துக்கு மொயின் அலி வந்து, சக வீரர்களிடம் கை குலுக்கினார். அப்போது ராபின் உத்தப்பா உள்ளிட்ட மற்ற வீரர்கள் மொயின் அலியை கட்டிப்பிடித்து வரவேற்றனர்.

மொயின் அலி தற்போது செம ஃபார்மில் உள்ளார். வெஸ்ட் இண்டீஸ்க்கு எதிரான 5 டி20 தொடரில் இங்கிலாந்து அணியின் கேப்டனாக அசத்திய மொயின் அலி, பிப்ரவரி மாதம் வங்கதேசத்தில் நடைபெற்ற டி20 போட்டியிலும் கலக்கினார். 38, 30, 22,8,75,46, 6 என வங்கதேச டி20 லீக் போட்டியில் பேட்டிங்கிலும், பந்துவீச்சில் 9 விக்கெட்டும் என மொயின் அலி அசத்தி இருக்கிறார்.

 

Vanganna Vanakkangana!
A Superfam welcome to Namma Mo Bhai! #WhistlePodu #Yellove pic.twitter.com/Y9L5tqES7r

— Chennai Super Kings (@ChennaiIPL) March 28, 2022

இதனால் மொயின் அலி நேரடியாக பிளேயிங் லெவனில் இடம்பெறுவார். மொயின் அலி சிஎஸ்கே அணிக்கு திரும்புவதால், அணியின் பிளேயிங் லெவனே தலைக்கீழ் மாறும். மொயின் அலி 3ஆவது இடத்தில் பேட்டிங் செய்ய, உத்தப்பா 4ஆவது இடத்துக்கு தள்ளப்படுவார். இதனால் முதல் போட்டியில் பிளேயிங் லெவனில் இடம்பெற்ற சிவம் துபே, மிட்செல் சாண்டனர் அணியிலிருந்து மாற்றப்படலாம்.

Win Big, Make Your Cricket Tales Now