ஐபிஎல் தொடரில் கேஎல் ராகுல் அபார சாதனை!

ஐபிஎல் தொடரில் கேஎல் ராகுல் ஒரு மாஸ் சாதனையை செய்துள்ளார். இதன் மூலம் அவரை ரசிகர்கள் லெஜண்ட் கில்லர் என்று போற்றி வருகின்றனர்.

கேஎல் ராகுல் அதிரடி பேட்ஸ்மேன், விக்கெட் கீப்பர் மற்றும் கேப்டன் என்ற மூன்று பொறுப்பையும் செய்ய கூடிய திறமையான வீரர். கேப்டனாக ராகுல் சறுக்கினாலும் இம்முறை கம்பீரின் அனுபவம் மூலம் ராகுல் நடப்பு சீசனில் கேப்டன்ணியில் தன்னை மெருகேற்றியுள்ளார்.

இதுவரை விளையாடிய 5 போட்டியில் லக்னோ அணி மூன்றில் வென்றுள்ளது. தற்போது மும்பையுடன் லக்னோ தனது 6ஆவது போட்டியில் விளையாடுகிறது. இளம் வீரர்களுக்கு வாய்ப்பு வழங்குவது, பந்துவீச்சாளர்களை சுழற்சி முறையில் சூழலுக்கு ஏற்ப மாற்றுவது என்று ராகுல், தற்போது கேப்டன்ஷி திறனில் முன்னேறி வருகிறார்.

இந்த நிலையில், கேஎல் ராகுலுக்கு இது 100ஆவது ஐபிஎல் போட்டியாகும். இதற்கு முன்பு ஐபிஎல் தொடரில் 99 போட்டி முடிவில் அதிக ரன்கள் அடித்த வீரர்கள் பட்டியலில் கேஎல் ராகுல் 2ஆவது இடத்தில் இருக்கிறார். இந்த பட்டியலில் கெயில் 3578 ரன்களுடன் முதலிடத்தில் உள்ளார். ராகுல் 3405 ரன்களுடன் 2ஆவது இடத்தில் உள்ளார்.

இந்த பட்டியலில் மூன்றாவது இடத்தில் வார்னர் 3,304 ரன்களுடன் உள்ளார். டு பிளஸிஸ் 2,849 ரன்களுடன் 4ஆவது இடத்தில் உள்ளார். இந்த பட்டியலில் 5வது இடத்தில் சுரேஷ் ரெய்னா 2,802 ரன்களுடன் உள்ளார். இந்த லிஸ்டில் கோலி மற்றும் ரோகித் சர்மா இருவருமே இல்லை. ஆனால் ராகுல் மட்டும் ஜாம்பவான் கெயிலை நெருங்கி இருக்கிறார்.

 

இதன் மூலம் ராகுல், ஐபிஎல் தொடரின் லெஜண்ட் கில்லர் என்ற அந்தஸ்தை பெற உள்ளதாக ரசிகர்கள் தெரிவித்துள்ளனர். அதாவது ஜாம்பவானின் சாதனைகளை உடைக்கும் நபர் என்ற பெருமையை ராகுல் பெறுகிறார். இதே போன்று இன்றைய 100ஆவது போட்டியில் கூட சதம் விளாசிய முதல் வீரர் என்ற சாதனையை ராகுல் படைத்துள்ளார்.

Win Big, Make Your Cricket Tales Now