IPL 2022: Warner, Powell's fifty's helps Delhi Capitals post a total on 207/3 (Image Source: Google)
ஐபிஎல் தொடரில் இன்று நடைபெற்றுவரும் லீக் ஆட்டத்தில் டெல்லி கேப்பிட்டல்ஸ் - சன்ரைசர்ஸ் ஹைதரபாத் அணிகள் பலப்பரீட்சை நடத்தி வருகின்றன. இப்போட்டியில் டாஸ் வென்ற ஹைதராபாத் அணி முதலில் பந்துவீச தீர்மானித்தது.
அதன்படி களமிறங்கிய டெல்லி கேப்பிட்டல்ஸ் அணியின் தொடக்க வீரர் மந்தீப் சிங் ரன் ஏதுமின்றியும், அவரைத் தொடர்ந்து வந்த மிட்செல் மார்ஷ் 10 ரன்களிலும் ஆட்டமிழந்து ஏமாற்றமளித்தனர்.
பின்னர் ஜோடி சேர்ந்த டேவிட் வார்னர் - ரிஷப் பந்த் இணை அதிரடியாக விளையாடி அணியின் ஸ்கோரை மளமளவென உயர்த்தினர். தொடர்ந்து அபாரமாக விளையாடி வந்த ரிஷப் பந்த் 26 ரன்கள் எடுத்திருந்த நிலையில் ஸ்ரேயாஸ் கோபால் பந்துவீச்சில் விக்கெட்டை இழந்தார்.
