ஐபிஎல் 2023: அணிகள் தக்கவைத்த மற்றும் விடுவித்த வீரர்களின் விபரம்!

ஐபிஎல் மினி ஏலத்திற்கு முன்னதாக அணிகள் தக்கவைத்த மாற்றும் விடுவித்த வீரர்களின் விபரத்தை இப்பட்டியளில் காண்போம்.

IPL 2023: All Retentions, Trades, Released Players Updates Till Now (Image Source: Google)

எதிர்வரும் 2023 ஐபிஎல் சீசனுக்கான மினி ஏலம் வரும் டிசம்பர் 23ஆம் தேதி கொச்சியில் நடைபெற உள்ளது. பத்து அணிகளும் தக்க வைத்துள்ள மற்றும் ரிலீஸ் செய்துள்ள வீரர்களின் விவரத்தை வெளியிடுவதற்கான கெடு தேதி நாளை (நவம்பர் 15) முடிவடைய உள்ளது. இந்த சூழலில் சிஎஸ்கே உட்பட அணிகள் தக்க வைத்த, ரிலீஸ் செய்த வீரர்கள் குறித்த உத்தேச தகவல் இதோ. 

பத்து அணிகளும் விடுவித்த மற்றும் தக்க வைக்க உள்ள வீரர்களின் உத்தேச பட்டியல் இதுவாக இருக்கலாம் என கிரிக்கெட் வல்லுநர்கள் தெரிவித்துள்ளனர். இதில் அடுத்த சீசனில் விளையாடாத வீரர்களும் அடங்குவர்.

அதன்படி ராயல் சேலஞ்சர்ஸ் பெங்களூரு அணி டேவிட் வில்லியை விடுவிக்க உள்ளதாக தகவல் வெளியாகியுள்ளது. அதேபோல் சென்னை சூப்பர் கிங்ஸ் அணி கிறிஸ் ஜோர்டன், ஆடம் மில்னே, மிட்செல் சாண்ட்னர், நாரயணன் ஜெயகதீசன் ஆகியோரை ரிலீஸ் செய்ய உள்ளதாகவும், ரவீந்திர ஜடேஜா தக்கவைக்கப்படுவார் என எதிர்பார்க்கப்படுகிறது.

கேஎல் ராகுல் தலைமையிலான லக்னோ அணியில் ஜேசன் ஹோல்டரை விடுவிக்கவுள்ளதாக தகவல் வெளியாகியுள்ளது. ஆஸ்திரேலிய வீரர்கள் மிட்செல் ஸ்டார்க் மற்றும் பாட் கம்மின்ஸ் எதிர்வரும் ஐபிஎல் சீசனில் பங்கேற்க மாட்டார்கள் என தெரிகிறது. இதில் பாட் கம்மின்ஸ் கடந்த ஆண்டு கேகேஆர் அணிக்காக விளையாடியது குறிப்பிடத்தக்கது.
    
நடப்பு சாம்பியனான குஜராத் டைட்டன்ஸ் அணி விக்கெட் கீப்பர பேட்ஸ்மேன் மேத்யூ வேடை தக்க வைக்கும் என தெரிகிறது. அதேசமயம் லோக்கி ஃபர்குசன், ரஹ்மனுல்லா குர்பாஸ் ஆகியோர் ஏலத்திற்கு முன்னதாக கேகேஆர் அணியால் வாங்கப்பட்டுள்ளது குறிப்பிடத்தக்கது.

மேலும் டெல்லி கேப்பிட்டல்ஸ் அணியிலிருந்து ஷர்தூல் தாக்கூரை வாங்கியுள்ள கேகேஆர் அணி, அமாம் கானை விடுவித்துள்ளது. இந்த பட்டியளில் ஐந்து முறை சாம்பியன் பட்டத்தை வென்ற மும்பை இந்தியன்ஸ் அணி கீரேன் பொல்லார்டை விடுவித்து, ஆர்சிபியிடமிருந்து ஜேசன் பெஹ்ரான்டோர்ஃபை டிரேட் செய்துள்ளது குறிப்பிடத்தக்கது.
 

Win Big, Make Your Cricket Tales Now