அறிமுக போட்டியில் அசத்திய வித்வாத் கவெரப்பா - வைரல் காணொளி!

ராயல் சேலஞ்சர்ஸ் பெங்களூரு அணிக்கு எதிரான போட்டியில் பஞ்சாப் கிங்ஸ் அணி தரப்பில் அறிமுக வீரராக களமிறங்கிய வித்வாத் கவெரப்பா 2 விக்கெட்டுகளை கைப்பற்றி அசத்தியுள்ளார்.

அறிமுக போட்டியில் அசத்திய வித்வாத் கவெரப்பா - வைரல் காணொளி! (Image Source: Google)

ஐபிஎல் தொடரில் இன்று நடைபெற்ற லீக் போட்டியில் பஞ்சாப் கிங்ஸ் - ராயல் சேலஞ்சர்ஸ் பெங்களூரு அணிகள் பலப்பரீட்சை நடத்தின. ஹீமாச்சல் பிரதேசம் கிரிக்கெட் சங்க மைதானத்தில் நடைபெற்ற இப்போட்டியில் டாஸ் வென்ற பஞ்சாப் கிங்ஸ் அணி கேப்டன் சாம் கரண் முதலில் பந்துவீசுவதாக அறிவித்து ராயல் சேலஞ்சர்ஸ் பெங்களுரு அணியை பெட்டிங் செய்ய அழைத்தார். 

இதனையடுத்து களமிறங்கிய ஆர்சிபி அணிக்கு விராட் கோலி மற்றும் கேப்டன் ஃபாஃப் டூ பிளெசிஸ் இணை தொடக்கம் கொடுத்தனர். இதில் அதிரடியாக தொடங்கிய கேப்டன் ஃபாஃப் டூ பிளெசிஸ் 9 ரன்கள் எடுத்திருந்த நிலையில் அறிமுக வீரர் வித்வாத் கவெரப்பா பந்துவீச்சில் விக்கெட்டை இழந்தார். அதனைத்தொடர்ந்து களமிறங்கிய வில் ஜேக்ஸும் ஒரு பவுண்டரி, ஒரு சிக்ஸரை விளாசிய நிலையில் 12 ரன்களில் கவெரப்பா பந்துவீச்சில் ஆட்டமிழந்தார். 

இதனால் ஆர்சிபி அணி 43 ரன்களுக்கே 2 விக்கெட்டுகளை இழந்தது. இதையடுத்து விராட் கோலியுடன் இணைந்த ராஜத் பட்டிதார் தொடக்கம் முதலே சிக்ஸர்களாக விளாசித்தள்ளினார். அவருக்கு துணையாக விராட் கோலியும் பவுண்டரிகளை விளாச இருவரது பார்ட்னஷிப்பும் 60 ரன்களைத் தாண்டியது. இதில் அபார ஆட்டத்தை வெளிப்படுத்திய ராஜத் பட்டிதார் 19 பந்துகளில் தனது அரைசதத்தை விளாசினார். 

 

First Wicket: Faf

What a start to Vidwath's #TATAIPL career #PBKSvRCB #IPLonJioCinema #IPLinPunjabi pic.twitter.com/Urq0JVdcJ4

— JioCinema (@JioCinema) May 9, 2024

அதன்பின் 3 பவுண்டரி, 6 சிக்ஸர்கள் என 55 ரன்களை எடுத்திருந்த நிலையில் சாம் கரன் பந்துவீச்சில் விக்கெட்டை இழந்தார். இருப்பினும் மறுமுனையில் விராட் கோலி சிறப்பான ஆட்டத்தை வெளிப்படுத்தி அரைசதத்தை நெருங்கி வருகிறார். இதன்மூலம் ஆர்சிபி அணி 10 ஓவர்களில் 3 விக்கெட் இழப்பிற்கு 119 ரன்களைச் சேர்த்த நிலையில் மழை காரணமாக ஆட்டம் தடைபட்டுள்ளது. 

இருப்பினும் தற்சமயம் மழை நின்றுள்ள காரணத்தால் விரைவில் ஆட்டம் தொடங்கும் என எதிர்பார்க்கப்படுகிறது. இந்நிலையில் இப்போட்டியில் பஞ்சாப் கிங்ஸ் அணி தரப்பில் அறிமுக வீரராக களமிறங்கிய வித்வாத் கவெரப்பா 2 விக்கெட்டுகளை கைப்பற்றி அசத்திய காணொளியானது இணையத்தில் வைரலாகி வருகிறது. 

Win Big, Make Your Cricket Tales Now