ஐபிஎல் புள்ளிப்பட்டியல் : சிஎஸ்கே, கேகேஆரை பின்னுக்கு தள்ளியது சன்ரைசர்ஸ் ஹைதராபாத்!
டெல்லி கேப்பிட்டல்ஸ் அணிக்கு எதிரான வெற்றியின் மூலம் சன்ரைசர்ஸ் ஹைதராபாத் அணி புள்ளிப்பட்டியலில் இரண்டாம் இடத்திற்கு முன்னேறி அசத்தியுள்ளது.
ஐபிஎல் தொடரின் 17ஆவது சீசன் விறுவிறுப்பான கட்டத்தை நோக்கி சென்றுகொண்டிருக்கிறது. இத்தொடரில் நேற்று நடைபெற்ற 35ஆவது லீக் போட்டியும் ரசிகர்களுக்கு விருந்து படைத்தது. அதன்படி இப்போட்டியில் விளையாடிய சன்ரைசர்ஸ் ஹைதராபாத் அணி 67 ரன்கள் வித்தியாசத்தில் டெல்லி கேப்பிட்டல்ஸ் அணியை வீழ்த்தி அசத்தல் வெற்றியைப் பதிவுசெய்து அசத்தியது.
அதன்படி இப்போட்டியில் முதலில் பேட்டிங் செய்த சன்ரைசர்ஸ் ஹைதராபாத் அணி 20 ஓவர்கள் முடிவில் 7 விக்கெட்டுகளை இழந்து 266 ரன்களை குவித்தது. இதில் அதிகபட்சமாக டிராவிஸ் ஹெட் 89 ரன்களையும், ஷாபஸ் அஹ்மத் 59 ரன்களைச் சேர்த்தனர். டெல்லி அணி தரப்பில் குல்தீப் யாதவ் 4 விக்கெட்டுகளை கைப்பற்றினர். இதையடுத்து களமிறங்கிய டெல்லி அணிக்கு ஜேக் ஃபிரெசர் மெக்குர்க் 15 பந்துகளில் அரைசதம் கடந்து அசத்தினார்.
Trending
பின் 65 ரன்களில் மெக்குர்க் விக்கெட்டை இழக்க, அதன்பின் களமிறங்கிய வீரர்கள் அபிஷேக் போரல் 42 ரன்களையும், ரிஷப் பந்த் 44 ரன்களையும் சேர்த்ததை தவிற மற்ற வீரர்கள் அனைவரும் சொற்ப ரன்களுக்கு விக்கெட்டை இழந்தனர். இதனால் அந்த அணி 19.1 ஓவர்களில் அனைத்து விக்கெட்டுகளையும் இழந்து 199 ரன்களுக்கு ஆல் அவுட்டானது. இப்போட்டியில் அபார ஆட்டத்தை வெளிப்படுத்திய டிராவிஸ் ஹெட் ஆட்டநாயகன் விருதை வென்றார்.
இந்நிலையில் இப்போட்டியில் வெற்றிபெற்றதன் மூலம் சன்ரைசர்ஸ் ஹைதராபாத் அணி நடப்பு ஐபிஎல் சீசனில் தங்களது 5ஆவது வெற்றியைப் பதிவுசெய்து அசத்தியது. இதன்மூலம் ஐபிஎல் புள்ளிப்பட்டியலில் சன்ரைசர்ஸ் ஹைதராபாத் அணி 7 போட்டிகளில் விளையாடி 5 வெற்றி, 2 தோல்விகள் என 10 புள்ளிகளைப் பெற்று பட்டியலின் இரண்டாம் இடத்திற்கு முன்னேறி அசத்தியுள்ளது.
SRH Moves To Number Two! #IPL2024 #SRH #DCvSRH #CricketTwitter pic.twitter.com/6VdJO0j6JO
— CRICKETNMORE (@cricketnmore) April 20, 2024
ஐபிஎல் புள்ளிப் பட்டியலில் ராஜஸ்தான் ராயல்ஸ் அணி 12 புள்ளிகளுடன் முதலிடத்தில் நீடிக்கிறது. சன்ரைசர்ஸ் ஹைதராபாத் அணி 10 புள்ளிகள் பெற்று 2ஆவது இடத்துக்கு முன்னேறியுள்ளது. கேகேஆர், சிஎஸ்கே மற்றும் குஜராத் டைட்டன்ஸ் அணிகள் தலா 8 புள்ளிகள் பெற்று அடுத்தடுத்த இடங்களில் உள்ளன. இப்போட்டியலில் ராயல் சேலஞ்சர்ஸ் பெங்களூரு அணி 7 போட்டிகளில் ஒரு வெற்றியை மட்டுமே பதிவுசெய்து பட்டியலின் கடைசி இடத்திற்கு தள்ளப்பட்டுள்ளது.
Win Big, Make Your Cricket Tales Now
