சன்ரைசர்ஸ் ஹைதராபாத் vs ராஜஸ்தான் ராயல்ஸ் - அணிகள் ஓர் அலசல்!

ஐபிஎல் தொடரில் இன்று நடைபெறும் இரண்டாவது லீக் போட்டியில் சன்ரைசர்ஸ் ஹைதராபாத் - ராஜஸ்தான் ராயல்ஸ் அணிகள் பலப்பரீட்சை நடத்தவுள்ள நிலையில், இரு அணிகள் குறித்தும் இப்பதிவில் பார்ப்போம்.

சன்ரைசர்ஸ் ஹைதராபாத் vs ராஜஸ்தான் ராயல்ஸ் - அணிகள் ஓர் அலசல்! (Image Source: Google)

ரசிகர்களின் பெரும் எதிர்பார்ப்புகளுக்கு மத்தியில் ஐபிஎல் தொடரின் 18ஆவது சீசன் நேற்று கோலாகலமாக தொடங்கியது. மொத்தம் 10 அணிகள் பங்கேற்கும் இத்தொடரில் எந்த 4 அணிகள் பிளே ஆஃப் சுற்றுக்கு முன்னேறும் என்ற எதிர்பார்ப்புகள் அதிகரித்துள்ளன.

இந்நிலையில் இத்தொடரில் இன்று நடைபெறும் இரண்டாவது லீக் போட்டியில் முன்னாள் சாம்பியன்கள் பாட் கம்மின்ஸ் தலைமையிலான சன்ரைசர்ஸ் ஹைதராபாத் அணியும், சஞ்சு சாம்சன் தலைமையிலான ராஜஸ்தான் ராயல்ஸ் அணியும் பலப்பரீட்சை நடத்தவுள்ளன. இவ்விரு அணிகளுக்கும் இடையேயான இப்போட்டி ஹைதராபாத்தில் உள்ள ராஜீவ் காந்தி கிரிக்கெட் மைதானத்தில் நடைபெறவுள்ளது.

இரு அணிகளிலும் நட்சத்திர பட்டாளங்கள் உள்ளதால் இதில் எந்த அணி வெற்றியைப் பதிவுசெய்து தொடரை வெற்றியுடன் தொடங்கும் என்ற எதிர்பார்ப்புகள் அதிகரித்துள்ளன. அதிலும் குறிப்பாக ஹைதராபாத்தில் உள்ள மைதானம் அதிக ஸ்கோரை அடிக்க சாதகமான மைதான என்பதால் நிச்சயம் வான வேடிக்கைகளுக்கு பஞ்சமிருக்காது. இந்நிலையில் இரு அணிகளின் பலம், அணியின் உத்தேச லெவன் குறித்து இந்த பதிவில் பார்ப்போம். 

சன்ரைசர்ஸ் ஹைதராபாத்

பாட் கம்மின்ஸ் தலைமையிலான சன்ரைசர்ஸ் ஹைதராபாத் அணி கடந்த ஐபிஎல் தொடரில் இறுதிப் போட்டி வரை முன்னேறிய நிலையிலும், கோப்பையை வெல்லும் வாய்ப்பை தவறவிட்டது. இதனால் இம்முறை அந்த அணி கோப்பையை வெல்ல கடுமையாக போராடும் என எதிர்பார்க்கப்படுகிறது. அணியின் பேட்டிங்கைப் பொறுத்தவரையில் அபிஷேக் சர்மா, டிராவிஸ் ஹெட், ஹென்ரிச் கிளாசென், நிதீஷ் ரெட்டி மற்றும் இஷான் கிஷான் உள்ளிட்டோர் வரிசைக்கட்டி நிற்கின்றனர். 

அணியின் பந்துவீச்சை பொறுத்தவரையில் பாட் கம்மின்ஸ், ஹர்ஷல் படேல், முகமது ஷமி, ஈஷான் மலிங்கா, ஜெய்தேவ் உனாத்கட், வியான் முல்டர் ஆகியோருடன் ராகுல் சஹார், ஆடம் ஸாம்பா ஆகியோரும் இருப்பது அணிக்கு கூடுதல் பலமாக பார்க்கப்படுகிறது. மேற்கொண்டெ கடந்தாண்டு மூன்று முறை 250+ ஸ்கோரை பதிவுசெய்துள்ள அந்த அணி இந்த முறை 300 ரன்கள் என்ற இலக்கை அடையுமா என்ற எதிர்பார்ப்புகள் ரசிகர்கள் மத்தியில் அதிகரித்துள்ளது. 

சன்ரைசர்ஸ் ஹைதராபாத் உத்தேச லெவன்: டிராவிஸ் ஹெட், அபிஷேக் சர்மா, இஷான் கிஷன் (விக்கெட் கீப்பர்), நிதிஷ் குமார் ரெட்டி, ஹென்ரிச் கிளாசென், அபினவ் மனோகர், பாட் கம்மின்ஸ், ஹர்ஷல் படேல், ராகுல் சாஹர், முகமது ஷமி, ஆடம் ஸாம்பா.

ராஜஸ்தான் ராயல்ஸ்

சஞ்சு சாம்சன் தலைமையிலான ராஜஸ்தான் ராயல்ஸ் அணி கடந்த இரண்டு சீசன்களாக பிளே ஆஃப் சுற்றுக்கு முன்னேறிய நிலையிலும், கோப்பையை வெல்லும் வாய்ப்பை தவறவிட்டது. இதனால் இம்முறை அதனை கைப்பற்றும் முயற்சியில் இறங்கவுள்ளது. ஆனால் சஞ்சு சாம்சன் தனது காயத்தில் இருந்து முழுமையாக குணமடையாத காரணத்தால், இத்தொடரின் முதல் மூன்று போட்டிகளுக்கு ரியான் பராக் அந்த அணியின் கேப்டனாக செயல்படவுள்ளார். 

அணியின் பேட்டிங்கில் சஞ்சு சாம்சன், யஷஸ்வி ஜெய்ஸ்வா, ரியான் பராக், நிதீஷ் ரானா, ஷிம்ரான் ஹெட்மையர் ஆகியோரும் பந்துவீச்சில் ஜோஃப்ரா ஆர்ச்சர், வநிந்து ஹசரங்கா, மஹீஷ் தீக்ஷனா, சந்தீப் சர்மா, துஷார் தேஷ்பாண்டே, ஃபசல்ஹக் ஃபரூக்கி, ஆகாஷ் மத்வால் உள்ளிட்டோரும் உள்ளனர். இதன் காரணமாக எதிர்வரும் ஐபிஎல் தொடரை அந்த அணி வெற்றியுடன் தொடங்குமா என்ற எதிர்பார்ப்புகள் அதிகரித்துள்ளன. 

ராஜஸ்தான் ராயல்ஸ் உத்தேச லெவன்: யஷஸ்வி ஜெய்ஸ்வால், சஞ்சு சாம்சன், நிதிஷ் ராணா, ரியான் பராக் (கேப்டன்), துருவ் ஜூரெல் (விக்கெட் கீப்பர்), ஷிம்ரான் ஹெட்மியர், வனிந்து ஹசரங்கா, ஜோஃப்ரா ஆர்ச்சர், மகேஷ் தீக்ஷனா, துஷார் தேஷ்பாண்டே, சந்தீப் சர்மா.

ஃபேண்டஸி லெவன் டிப்ஸ்

• விக்கெட் கீப்பர் - சஞ்சு சாம்சன் (துணைக்கேப்டன்), ஹென்ரிச் கிளாசென், இஷான் கிஷான்
• பேட்ஸ்மேன்கள் - டிராவிஸ் ஹெட் (கேப்டன்), யஷஸ்வி ஜெய்ஸ்வால்
• ஆல்-ரவுண்டர்கள் - வனிந்து ஹசரங்கா, அபிஷேக் சர்மா, ரியான் பராக், நிதிஷ் குமார் ரெட்டி
• பந்து வீச்சாளர்கள் - முகமது ஷமி, சந்தீப் சர்மா.

Win Big, Make Your Cricket Tales Now