ஐபிஎல் மெகா ஏலம் 2022: ஏல நடத்துநர் மயங்கி விழுந்ததால் பரபரப்பு!
ஐபிஎல் தொடருக்கான மெகா ஏலத்தின் போது ஏல நடத்துநர் ஹக் எட்மீட்ஸ் மயங்கி விழுந்ததால் பரபரப்பு ஏற்பட்டுள்ளது.
ஐபிஎல் ஏல நடத்துநராக எட்மியட்ஸ் பணியாற்றுகிறார். ஐபிஎல் போட்டியின் ஆரம்பம் முதல் ரிச்சர்ட் மேட்லி, ஏல நடத்துநராகப் பணியாற்றினார். 2018 முதல் எட்மியட்ஸ் அப்பணியைத் தொடர்ந்து வருகிறார்.
Trending
இந்நிலையில் இன்று மதியம் 2 மணி அளவில் ஏலம் நடைபெற்றபோது ஏல நடத்துநர் ஹக் எட்மீட்ஸ் திடீரென மயங்கி விழுந்தார். வனிந்து ஹசரங்காவை அணிகள் தேர்வு செய்ய மும்முரமாக இருந்தபோது மேடையிலிருந்து எட்மியட்ஸ் திடீரென மயங்கி விழுந்ததால் பரபரப்பு ஏற்பட்டது.
இதையடுத்து ஐபிஎல் ஏலம் சிறிது நேரத்துக்கு ஒத்திவைக்கப்பட்டுள்ளது. மேலும் அவரை பரிசோதித்த மருத்துவர்கள் அவர் தற்போது நலமாக உள்ளார் என்று தெரிவித்துள்ளனர். இருப்பினும் ஏல நடத்துநர் மயங்கி விழுந்த சம்பவம் காண்போரை அதிர்ச்சிகுள்ளாக்கியுள்ளது.
Win Big, Make Your Cricket Tales Now
