IRE vs IND, 2ND T20I: அயர்லாந்துக்கு எதிராக லைன் & லெந்தை மாற்றிய உம்ரான் மாலிக்!

அயர்லாந்துக்கு எதிரான இரண்டாவது டி20 போட்டியில் தனது லைன் & லெந்தை மாற்றி பந்துவீசிய உம்ரான் மாலிக்கிற்கு பாராட்டுக்கள் குவிந்து வருகிறது.

IRE vs IND 2nd T20I: umran malik changed his tactics during ireland series (Image Source: Google)

அயர்லாந்து சென்ற இந்திய அணி, 2 போட்டிகள் கொண்ட டி20 தொடரில் பங்கேற்று விளையாடியது. இதில் முதல் போட்டியில் இந்தியா அபார வெற்றியைப் பெற்ற நிலையில், இரண்டாவது போட்டி நடைபெற்றது. இதில் டாஸ் வென்ற இந்திய முதலில் பேட்டிங்கை தேர்வு செய்தது.

முதலில் களமிறங்கிய இந்திய அணியில் தீபக் ஹூடா, சஞ்சு சாம்சன் ஆகியோர் மிரட்டலாக விளையாடி, பெரிய பார்ட்னர்ஷிப் அமைத்தார்கள். இந்த பார்ட்னர்ஷிப் 150+ ரன்களை கடந்து நீடித்தது. இறுதியில் ஹூடா 104 (57) சதமடித்தார். சாம்சனும் 42 பந்துகளில் 77 ரன்களை குவித்தார்.

மற்றவர்களில் இஷான் கிஷன் 3 (5), சூர்யகுமார் யாதவ் 15 (5), ஹார்திக் பாண்டியா 13 (9) போன்றவர்கள் பெரிய தாக்கத்தை ஏற்படுத்தவில்லை. இறுதியில் இந்திய அணி 20 ஓவர்களில் 225/7 ரன்களை குவித்தது.

இதனைத் தொடர்ந்து அயர்லாந்து அணி மிகச்சிறப்பான பேட்டிங்கை வெளிப்படுத்தி அசத்தியது. அப்போது 7ஆவது ஓவரை வீச வந்த உம்ரான் மாலிக் சிறப்பாக பந்துவீசி ஒரு சிக்ஸரை மட்டும் விட்டுக்கொடுத்தார். அந்த ஓவரில் 150 வேகத்தை தொடவில்லை.

அடுத்து 9ஆவது ஓவரை வீச வந்த உம்ரான் மாலிக், அதிவேகமாக 150+ வேகத்தில் பந்துவீசி வந்தார். இதனால் சரியான லைன், லெந்த் கிடைக்கவில்லை. ஒன்று ஷார்ட் பால் அல்லது புல்லர் லெந்த் பால்களைத்தான் வீசி வந்தார். இதனால், அந்த ஓவரில் 14 ரன்கள் கசிந்தது.

இதனைத் தொடர்ந்து ஹார்திக் பாண்டியா, உம்ரானுடன் பேசியதைத் தொடர்ந்து 14ஆவது ஓவரில், மீண்டும் உம்ரான் வேகத்தை குறைத்து அதாவது 147 வேகம் வரை மட்டும் பந்துவீசினார். இதனால் சரியான லைனில் பந்துவீச முடிந்தது. இதனால்தான் கடைசி ஓவரில் அயர்லாந்து அணியை 3 பந்துகளில் 8 ரன்களை அடிக்க விடாமல் தடுத்தார். அந்த ஓவரில் 17 ரன்கள் தேவைப்பட்ட நிலையில் உம்ரான் 12 ரன்களை மட்டும் கசியவிட்டு மேட்ச் வின்னராக இருந்தார்.

உம்ரான் தற்போது வேகத்தை குறைத்து அதாவது 147 வேகம் வரை பந்துவீசும்போது சரியான லைன், லெந்தில் பந்துவீசினார். இதை அப்படியே தொடர்ந்து படிப்படியாக வேகத்தை கூட்டினால், 150+ வேகத்திலும் அவர் நினைத்த மாதிரி சரியான லைனில் பந்துவீச முடியும். இது சாத்தியம் என்றால், சர்வதேச கிரிக்கெட்டில் உம்ரான் மாலிக் தவிர்க்க முடியாத வீரராக திகழ்வார்.