IRE vs ZIM: பரபரப்பான ஆட்டத்தில் ஜிம்பாப்வே அபார வெற்றி!

அயர்லாந்து அணிக்கெதிரான முதல் டி20 போட்டியில் ஜிம்பாப்வே அணி 3 ரன்கள் வித்தியாசத்தில் த்ரில் வெற்றியைப் பெற்றது.

அயர்லாந்தில் சுற்றுப்பயணம் செய்துவரும் ஜிம்பாப்வே அணி ஐந்து போட்டிகள் கொண்ட டி20 தொடரில் விளையாடி வருகிறது. 

இதில் இரு அணிகளுக்கும் இடையேயான முதல் டி20 போட்டி டப்லினில் இன்று நடைபெற்றது. இப்போட்டியில் டாஸ் வென்ற அயர்லாந்து அணி முதலில் பந்துவீச தீர்மானித்தது. ‘

அதன்படி களமிறங்கிய ஜிம்பாப்வே அணியில் சகப்வாவைத் தவிற மற்ற வீரர்கள் சொற்ப ரன்களில் ஆட்டமிழந்ததால், 20 ஓவர்கள் முடிவில் அந்த அணியால் 7 விக்கெட் இழப்பிற்கு 117 ரன்களை மட்டுமே எடுக்க முடிந்தது. 

இதில் அதிகபட்சமாக சகப்வா 47 ரன்களைச் சேர்த்தார். அயர்லாந்து அணி தரப்பில் கிரேக் யங், செமி சிங் தலா 2 விக்கெட்டுகளைக் கைப்பற்றினர். 

இதையடுத்து எளிய இலக்கை நோக்கி களமிறங்கிய அயர்லாந்து அணிக்கு பால் ஸ்டிர்லிங் - கெவின் ஓ பிரையன் இணை அதிரடியான தொடக்கத்தைக் கொடுத்தனர். 

பின் 24 ரன்களில் ஸ்டிர்லிங் ஆட்டமிழக்க, ஆவரைத் தொடர்ந்து 25 ரன்களில் கெவின் ஓ பிரையனும் நடையைக் கட்டினார். இறுதியில் அயர்லாந்து அணி வீரர்கள் ரன் சேர்க்க தவறியதால், 20 ஓவர்கள் முடிவில் அந்த அணியால் 8 விக்கெட் இழப்பிற்கு 114 ரன்களை மட்டுமே சேர்க்க முடிந்தது. 

இதன் மூலம் ஜிம்பாப்வே அணி 3 ரன்கள் வித்தியாசத்தில் அயர்லாந்தை வீழ்த்தி த்ரில் வெற்றியைப் பெற்றது. இந்த வெற்றியின் மூலம் ஐந்து போட்டிகள் கொண்ட டி20 தொடரில் 1-0 என்ற கணக்கில் ஜிம்பாப்வே அணி முன்னிலைப் பெற்றது.

Win Big, Make Your Cricket Tales Now