AFG vs IRE, Only Test: ஆஃப்கானை வீழ்த்தி முதல் டெஸ்ட் வெற்றியைப் பதிவுசெய்தது அயர்லாந்து!
ஆஃப்கானிஸ்தான் அணிக்கெதிரான டெஸ்ட் போட்டியில் அயர்லாந்து அணி 5 விக்கெட் வித்தியாசத்தில் தங்கலது முதல் டெஸ்ட் வெற்றியைப் பதிவுசெய்து அசத்தியுள்ளது.
ஆஃப்கானிஸ்தான் - அயர்லாந்து அணிகளுக்கு இடையேயான டெஸ்ட் போட்டி அபுதாபியில் நடைபெறது. இப்போட்டியில் டாஸ் வென்ற ஆஃப்கானிஸ்தான் அணி முதலில் பேட்டிங் செய்வதாக அறிவித்து களமிறங்கியது. அதன்படி களமிறங்கிய ஆஃப்கானிஸ்தான் அணி முதல் இன்னிங்ஸில் அயர்லாந்து அணியின் பந்துவீச்சுக்கு ஈடுகொடுக்க முடியாமல் அடுத்தடுத்து விக்கெட்டுகளை இழந்தனர்.
அந்த அணியில் அதிகபட்சமாக இப்ராஹிம் ஸத்ரான் 53 ரன்களையும், கரிம் ஜானத் 41 ரன்களையும் சேர்த்ததை தவிர்த்து மற்ற வீரர்கள் யாரும் பெரிதளவில் சோபிக்க வில்லை. இதன் காரணமாக ஆஃப்கானிஸ்தான் அணி முதல் இன்னிங்ஸில் 155 ரன்களுக்கே ஆல் அவுட்டானது. அயர்லாந்து அணி தரப்பில் அபாரமாக பந்துவீசிய மார்க் அதிர் 5 விக்கெட்டுகளை கைப்பற்றி அசத்தினார்.
Trending
இதையடுத்து முதல் இன்னிங்ஸைத் தொடர்ந்த அயர்லாந்து அணியிலும் கேப்டன் பால்பிர்னி 2 ரன்களிலும், மூர் 12 ரன்களிலும் என விக்கெட்டை இழந்து ஏமாற்றமளித்தனர். அதன்பின் ஓரளவு தாக்குப்பிடித்து விளையாடிய கர்டிஸ் காம்பேர் 49 ரன்களிலும், ஹாரி டெக்டர் 32 ரன்களுக்கும் என விக்கெட்டை இழக்க, பால் ஸ்டிர்லிங் அரைசதம் கடந்து அணியை முன்னிலைப் படுத்தினார்.
அவருக்கு துணையாக விளையாடிய லோர்கன் டாக்கர் 46 ரன்களையும், ஆண்டி மெக்பிரைன் 38 ரன்களையும் சேர்க்க அந்த அணி முதல் இன்னிங்ஸில் அனைத்து விக்கெட்டுகளையும் இழந்து 263 ரன்களைச் சேர்த்தது. ஆஃப்கானிஸ்தான் அணி தரப்பில் ஸியா உர் ரஹ்மான் 5 விக்கெட்டுகளை கைப்பற்றினார். இதன்மூலம் அயர்லாந்து அணி 108 ரன்கள் முன்னிலைப் பெற்றது.
அதன்பின் இரண்டாவது இன்னிங்ஸைத் தொடங்கிய ஆஃப்கானிஸ்தான் அணி இரண்டாம் நாள் ஆட்டநேர முடிவில் 3 விக்கெட் இழப்பிற்கு 134 ரன்களைச் சேர்த்திருந்தது. இதையடுத்து இன்று தொடங்கிய் அமூன்றாம் நாள் ஆட்டத்தை ஹஸ்மதுல்லா ஷாஹிதி 53 ரன்களுடனும், ரஹ்மனுல்லா குர்பாஸ் 23 ரன்களுடனும் தொடர்ந்தனர். இதில் ஷாஹிதி 55 ரன்களுக்கு ஆட்டமிழக்க, மறுபக்கம் அரைசதம் அடிப்பார் என எதிர்பார்க்கப்பட்ட குர்பாஸும் 46 ரன்களில் விக்கெட்டை இழந்தார்.
பின்னர் களமிறங்கிய வீரர்கள் அனைவரும் சொற்ப ரன்களுக்கு நடையைக் கட்ட, இரண்டாவது இன்னிங்ஸிலும் ஆஃப்கானிஸ்தான் அணி அனைத்து விக்கெட்டுகளையும் இழந்து 218 ரன்களை மட்டுமே சேர்த்தது. அயர்லாந்து அணி தரப்பில் மார்க் அதிர், பேரி மெக்கர்த்தி, கிரேய்க் யங் ஆகியோர் தலா 3 விக்கெட்டுகளை கைப்பற்றினர். இதன்மூலம் அயர்லாந்து அணிக்கு 111 ரன்கள் என்ற எளிய இலக்கு நிர்ணயிக்கப்பட்டது.
இலக்கை துரத்தி களமிறங்கிய அயர்லாந்து அணியில் மூர் மற்றும் கர்டிஸ் காம்பேர் ஆகியோர் ரன்கள் ஏதுமின்றியும், அடுத்து களமிறங்கிய ஹாரி டெக்டர் 2 ரன்களுக்கும், பால் ஸ்டிர்லிங் 14 ரன்களுக்கும் என அடுத்தடுத்து ஆட்டமிழந்தனர். அதன்பின் ஜோடி சேர்ந்த கேப்டன் ஆண்ட்ரூ பால்பிர்னி - லோர்கன் டக்கர் இணை பொறுப்பான ஆட்டத்தை வெளிப்படுத்தி விக்கெட் இழப்பை தடுத்ததுடன் அணியின் ஸ்கோரையும் உயர்த்தி வந்தனர்.
இதில் அபார ஆட்டத்தை வெளிப்படுத்திய ஆண்ட்ரூ பால்பிர்னி அரைசதம் கடந்து அசத்தினார். இதன் மூலம் அயர்லாந்து அணி 31.3 ஓவர்களில் இலக்கை எட்டியதுடன், 5 விக்கெட் வித்தியாசத்தில் ஆஃப்கானிஸ்தான் அணியை வீழ்த்தி அசத்தல் வெற்றியைப் பதிவுசெய்து அசத்தியது. இதன்மூலம் அயர்லாந்து அணி சர்வதேச டெஸ்ட் கிரிக்கெட்டில் தங்களது முதல் வெற்றியைப் பதிவுசெய்துள்ளது குறிப்பிடத்தக்கது.
Win Big, Make Your Cricket Tales Now
