WC Qualifier: தாய்லாந்தை வீழ்த்தி அயர்லாந்து அணி அபார வெற்றி!
தாய்லாந்து மகளிர் அணிக்கு எதிரான உலகக்கோப்பை தகுதிச்சுற்று ஆட்டத்தில் அயர்லாந்து மகளிர் அணி 46 ரன்கள் வித்தியாசத்தில் வெற்றிபெற்று அசத்தியது.
அதன்படி களமிறங்கிய அயர்லாந்து மகளிர் அணிக்கு சாரா ஃபோர்ப்ஸ் - கேப்டன் கேபி லூயிஸ் இணை தொடக்கம் கொடுத்தனர். இதில் அதிரடியாக விளையாடிய கேபி லூயிஸ் தனது அரைசதத்தைப் பூர்த்தி செய்து அசத்தினார். மேற்கொண்டு இருவரும் இணைந்து முதல் விக்கெட்டிற்கு 88 ரன்கள் பார்ட்னர்ஷிப் அமைத்திருந்த நிலையில் சாரா ஃபோர்ப்ஸ் 29 ரன்களில் விக்கெட்டை இழந்து பெவிலியன் திரும்பினார். அதன்பின் லூயிஸுடன் ஜோடி சேர்ந்த ஏமி ஹண்டரும் அதிரடியாக விளையாட அணியின் ஸ்கோரும் சீரான வேகத்தில் உயர்த்தொடங்கியது.
Also Read
அதன்பின் 14 பவுண்டரிகளுடன் 75 ரன்களைச் சேர்த்திருந்த நிலையில் கேபி லூயிஸ் ஆட்டமிழக்க, மறுபக்கம் அரைசதம் கடந்து அசத்திய ஏமி ஹண்டரும் 76 ரன்களைச் சேர்த்து விக்கெட்டை இழக்க, ஓர்லா ப்ரெண்டர்காஸ்ட்டும் 21 ரன்களுடன் நடையைக் கட்டினார். இறுதியில் அபார ஆட்டத்தை வெளிப்படுத்திய லியா பால் தனது அரைசதத்தை பூர்த்தி செய்ததுடன், 10 பவுண்டரி மற்றும் ஒரு சிக்ஸர் என 67 ரன்களில் விக்கெட்டை இழக்க, அவருடன் இணைந்த விளையாடிய லாரா டெலானி 23 ரன்களையும் சேர்த்து அணிக்கு தேவையான ஃபினிஷிங்கைக் கொடுத்தனர்.
இதன்மூலம் அயர்லாந்து மகளிர் அணி 50 ஓவர்கள் முடிவில் 4 விக்கெட்டுகாளை மட்டுமே இழந்து 305 ரன்களைச் சேர்த்தது. தாய்லாந்து தரப்பில் திபாட்சா புத்தவோங், சுலீபோர்ன் லாவோமி ஆகியோர் தலா ஒரு விக்கெட்டை கைப்பற்றினர். பின்னர் இலக்கை நோக்கி களமிறங்கிய தாய்லாந்து அணிக்கு நாட்டாய பூச்சாதம் - சுனிதா சுத்திருவாங் இணை தொடாக்கம் கொடுத்தனர். இதில் பூச்சாதம் 19 ரன்களிலும், சுத்திருவாங் 16 ரன்களிலும் என விக்கெட்டை இழக்க, அடுத்து களமிறங்கிய நானாபனட் கொஞ்சரோகே 21 ரன்களுக்கும், நத்தகன் சந்தம் 8 ரன்னிலும் என விக்கெட்டுகளை இழந்தனர்.
அதன்பின் ஜோடி சேர்ந்த நருயேமோல் சாய்வாய் - ஃபன்னிடா மாயா இணை ஓரளவு தாக்குப்பிடித்து அணியின் ஸ்கோரை உயர்த்தும் முயற்சியில் இறங்கினர். இதில் இருவரும் இணைந்து 80 ரன்களுக்கு மேல் பார்ட்னர்ஷிப் அமைத்தும் அசத்தினர். பின்னர் சாய்வாய் 37 ரன்களுக்கும், மாயா 43 ரன்களிலும் என நடையைக் கட்ட, அதன்பின் களமிறங்கிய வீராங்கனைகளில் சுவானன் கியாடோ சிறப்பாக விளையாடி அரைசதம் கடந்து அசத்தியதுடன் 59 ரன்களையும், திபாட்சா புத்தவோங் 22 ரன்களையும் சேர்த்ததை தவிர்த்து மற்ற வீராங்கனைகள் சோபிக்க தவறினர்.
Also Read: Funding To Save Test Cricket
இதன் காரணமாக தாய்லாந்து மகளிர் அணி 49.1 ஓவர்களில் அனைத்து விக்கெட்டுகளையும் இழந்து, 259 ரன்களுக்கு ஆல் அவுட்டானது. அயர்லாந்து மகளிர் அணி தரப்பில் அபாரமான பந்துவீச்சை வெளிப்படுத்திய லூயிஸ் லிட்டில் 5 விக்கெட்டுகளை கைப்பற்றி அசத்தினார். இதன்மூலம் அயர்லாந்து மகளிர் அணி 46 ரன்கள் வித்தியாசத்தில் தாய்லாந்து மகளிர் அணியை வீழ்த்தி வெற்றிபெற்றது. இப்போட்டியில் சிறப்பான பந்துவீச்சை வெளிப்படுத்திய லூயிஸ் லிட்டில் 5 விக்கெட்டுகளை கைப்பற்றி அசத்தினார்.
Win Big, Make Your Cricket Tales Now
