லக்னோ அணியின் லெவனை தேர்வு செய்த இர்ஃபான் பதான்!

மும்பை இந்தியன்ஸுக்கு எதிரான போட்டியில் விளையாடும் லக்னோ சூப்பர் ஜெயண்ட்ஸின் லெவனை முன்னாள் வீரர் இர்ஃபான் பதான் கணித்துள்ளார்.

லக்னோ அணியின் லெவனை தேர்வு செய்த இர்ஃபான் பதான்! (Image Source: Google)

ஐபிஎல் தொடரின் 18ஆவது சீசனில் இன்று நடைபெறும் 16ஆவது லீக் போட்டியில் ரிஷப் பந்த் தலைமையிலான லக்னோ சூப்பர் ஜெயண்ட்ஸ் மற்றும் ஹர்திக் பாண்டியா தலைமையிலான மும்பை இந்தியன்ஸ் அணிகள் பலப்பரீட்சை நடத்தவுள்ளன.

இவ்விரு அணிகளுக்கும் இடையேயான இப்போட்டியானது லக்னோவில் உள்ள ஏக்னா கிரிக்கெட் மைதானத்தில் நடைபெறவுள்ளது. நடப்பு ஐபிஎல் தொடரில் இரு அணிகளும் விளையாடிய மூன்று போட்டிகளில் ஒரு வெற்றியையும், இரண்டு தோல்வியையும் பதிவுசெய்துள்ளன. இதனால் இன்றைய ஆட்டத்தில் எந்த அணி வெற்றிபெறும் என்ற எதிர்பார்ப்புகள் அதிகரித்துள்ளன. இதற்காக இரு அணி வீரர்களும் தீவிரமாக தயாராகி வருகின்றனர். 

இந்நிலையில் இப்போட்டிக்கு முன்னதாக லக்னோ சூப்பர் ஜெயண்ட்ஸ் அணியின் பிளேயிங் லெவனை முன்னாள் இந்திய வீரர் இர்ஃபான் பதான் கணித்துள்ளார். இதுகுறித்து அவர் தனது யூடியூப் பக்கத்தில், லக்னோ சூப்பர் ஜெயண்ட்ஸ் மற்றும் மும்பை இந்தியன்ஸ் அணிகள் குறித்து விரிவான முன்னோட்டத்தை வழங்கினார். இதற்கிடையில், அவர் ரிஷப் பந்த் தலைமையிலான லக்னோ சூப்பர் ஜெயண்ட்ஸ் அணியின் லெவனையும் தேர்ந்தெடுத்தார்.

இதில் அவர் லக்னோ சூப்பர் ஜெயண்ட்ஸின் வேகப்பந்து வீச்சாளர் ஆவேஷ் கானை லெவனில் இருந்து நீக்கியுள்ளார். அதேசமயம் காயம் காரணமாக முதல் சில போட்டிகளாக விளையாடாமல் இருந்த ஆகாஷ் தீப் தற்சமயம் முழு உடற்தகுதியை எட்டியுள்ளதன் காரணமாக அவருக்கு லெவனில் வாய்ப்பு கிடைக்கும் என்று தெர்வித்துள்ளார். முன்னதாக வீரர்கள் ஏலத்தின் போது ஆகாஷ் தீப்பை லக்னோ அணி ரூ.8 கோட்க்க்கு ஏலாத்தில் எடுத்திருந்தார். 

கடந்த சீசன் வரை ஆகாஷ் தீப் ராயல் சேலஞ்சர்ஸ் பெங்களூரு அணியில் அங்கம் வகித்து வந்தார். கடந்த சீசனில் அவர் விளையாடிய 8 போட்டிகளில் 7 விக்கெட்டுகளை கைப்பற்றி அசத்தி இருந்தார். மேற்கொண்டு முதல் தர கிரிக்கெட்டில் இதுவரை 38 போட்டிகளில் விளையாடியுள்ள அவர் 128 விக்கெட்டுகளை வீழ்த்தி அசத்தியுள்ளார். இதுதவிர்த்து அவர் இந்திய டெஸ்ட் அணியிலும் அங்கம் வகித்து வருவது குறிப்பிடத்தக்கது.

இர்ஃபான் பதான் தேர்வு செய்த எல்எஸ்ஜி லெவன்: ஐடன் மார்க்ரம், மிட்செல் மார்ஷ், நிக்கோலஸ் பூரன், ரிஷப் பந்த் (கேப்டன்), டேவிட் மில்லர், ஆயுஷ் படோனி, அப்துல் சமத், ஷர்துல் தாக்கூர், திக்வேஷ் ரதி, ரவி பிஷ்னோய், ஆகாஷ் தீப். இம்பேக்ட் வீரர் - பிரின்ஸ் யாதவ்.

லக்னோ சூப்பர் ஜெயண்ட்ஸ்: நிக்கோலஸ் பூரன், ரவி பிஷ்னோய், மயங்க் யாதவ், ஷர்தூல் தாக்கூர், ஆயுஷ் பதோனி, ரிஷப் பந்த் (கேப்டன்), டேவிட் மில்லர், ஐடன் மார்க்ரம், மிட்செல் மார்ஷ், அவேஷ் கான், அப்துல் சமத், ஆர்யன் ஜூயல், ஆகாஷ் தீப்,  ஹிம்மத் சிங், சித்தார்த், திக்வேஷ் சிங், ஷாபாஸ் அகமது, ஆகாஷ் சிங், ஷமர் ஜோசப், பிரின்ஸ் யாதவ், யுவராஜ் சவுத்ரி, ராஜ்வர்தன் ஹங்கர்கேகர், அர்ஷின் குல்கர்னி, மேத்யூ பிரீட்ஸ்கே