ENG vs IND: இங்கிலாந்து தொடரில் அஸ்வின் விளையாடுவது உறுதி!

இந்திய வீரர் ரவீந்திர ஜடேஜா காயம் காரணமாக மருத்துவமனையில் அனுமதிக்கப்பட்டுள்ளதால், அவருக்கு பதிலாக அஸ்வின் களமிறங்குவார் என எதிர்பார்க்கப்படுகிறது.

Jadeja taken to hospital for precautionary scan for suspected knee injury (Image Source: Google)

இந்தியா - இங்கிலாந்து அணிகளுக்கு இடையிலான 5 போட்டிகள் கொண்ட டெஸ்ட் தொடர் ஆனது தற்போது இங்கிலாந்தில் நடைபெற்று வருகிறது. இந்த தொடரின் முதல் மூன்று போட்டிகளிலும் தமிழ்நாட்டைச் சேர்ந்த சுழற்பந்து வீச்சாளர் ரவிச்சந்திரன் அஸ்வின் சேர்க்கப்படாதது ரசிகர்களிடையே பெரும் விமர்சனத்தை எழுப்பியது.

அதுமட்டுமின்றி முன்னாள் வீரர்களும் அஸ்வின் சேர்க்கப்படாதது குறித்து தங்களது கண்டனங்களை தெரிவித்து வந்தனர். இந்த 5 போட்டிகளின் கொண்ட தொடரின் முதல் மூன்று போட்டிகளிலும் விளையாடிய இந்திய அணியானது ஒரு வெற்றி மற்றும் ஒரு தோல்வியுடன் இந்த தொடரில் சமநிலை வருகிறது. இந்நிலையில் இவ்விரு அணிகளுக்கும் இடையிலான 4ஆவது போட்டியில் செப்டம்பர் 2ஆம் தேதி லண்டனில் நடைபெறுகிறது.

இந்த் நான்காவது டெஸ்ட் போட்டியிலும், அதற்கடுத்து வரும் 5வது டெஸ்ட் போட்டியிலும் அஸ்வினுக்கு பதிலாக விளையாடிய ஜடேஜா அடுத்த 2 ஆட்டங்களிலும் விளையாடமாட்டார் என்று தெரிகிறது.

ஏனெனில் மூன்றாவது டெஸ்ட் போட்டியின் போது ஏற்பட்ட காயம் காரணமாக ரவீந்திர ஜடேஜா தற்போது மருத்துவமனையில் அனுமதிக்கப்பட்டுள்ளார். இதன் காரணமாக அவர் காயத்தால் அவதிப்பட்டு வருவது உறுதியாகியுள்ளது. 

ஏற்கனவே ஜடேஜா அணியில் விளையாடி வருவதால் அஸ்வினுக்கு வாய்ப்பு மறுக்கப்பட்ட நிலையில் தற்போது ஜடேஜா காயம் அடைந்துள்ளதால் நிச்சயம் கடைசி இரண்டு போட்டிகளிலும் அஷ்வின் விளையாடுவது கிட்டத்தட்ட உறுதியாகியுள்ளது. இந்திய அணியில் நான்கு வேகப்பந்து வீச்சாளர்கள் விளையாடினாலும் 5 வது பந்து வீச்சாளராக அஸ்வின் விளையாடுவார் என்றே எதிர்பார்க்கப்படுகிறது.

Win Big, Make Your Cricket Tales Now