டி20 உலகக்கோப்பை: சாதனைகளை குவித்த ஜோஸ் பட்லர்!

இலங்கை அணிக்கெதிரான போட்டியில் சதமடித்த ஜோஸ் பட்லர், இந்த ஆண்டு டி20 உலகக் கோப்பையில் சதமடித்த முதல் வீரர் என்ற சாதனையைப் படைத்தார்.

டி20 உலகக் கோப்பை தொடர் தற்போது ஐக்கிய அமீரகத்தில் தொடங்கி விறுவிறுப்பாக நடைபெற்று வருகிறது. இதில் நேற்று ஷார்ஜாவில் நடைபெற்ற 29ஆவது லீக் ஆட்டத்தில் இங்கிலாந்து - இலங்கை அணிகள் மோதின. 

இப்போட்டியில் முதலில் பேட்டிங் செய்த இங்கிலாந்து அணி ஜோஸ் பட்லரின் அபார சதத்தினால் 164 ரன்களை இலக்காக நிர்ணயித்தது. இதையடுத்து கடின இலக்கை துரத்திய இலங்கை அணி 19 ஓவர்களில் அனைத்து விக்கெட்டுகளையும் இழந்து 137 ரன்களை மட்டுமே எடுத்தது. 

இதன்மூலம் இங்கிலாந்து அணி 26 ரன்கள் வித்தியாசத்தில் இலங்கையை வீழ்த்தி அரையிறுதிச்சுற்றுக்கு முன்னேறியது. மேலும் இப்போட்டியில் சதம் விளாசிய ஜோஸ் பட்லர் ஆட்டநாயகனாகத் தேர்வு செய்யப்பட்டதுடன், பல சாதனைகளையும் படைத்துள்ளார்.

அச்சாதனையானது 2021 டி20 உலகக் கோப்பை தொடரில் சதம் அடித்த முதல் வீரர் என்ற சிறப்பை ஜோஸ் பட்லர் பெற்றார். அதேசமயம் 67 பந்துகளில் அவர் இந்த அற்புத சாதனையை படைத்ததன் மூலம் டி20 உலகக்கோப்பை தொடரில் அதிக பந்துகளை எதிர்கொண்ட பேட்ஸ்மேன் என்ற சாதனையைம் பெற்றுள்ளார். 

மேலும், டி20, ஒருநாள் போட்டி, டெஸ்ட் என 3 ஃபார்மேட்களிலும் சதம் அடித்த முதல் இங்கிலாந்து வீரர் என்ற சிறப்பையும் ஜோஸ் பட்லர் பெற்றுள்ளது குறிப்பிடத்தக்கது. 

Win Big, Make Your Cricket Tales Now